Abisu horia asteazkenera arte, basoetako suteen arriskuagatik

Eusko Jaurlaritzako Segurtasun Sailak abisu horia aktibatu du bihar arte, basoetan suteak izateko arriskua dagoelako, gaur haizeak gogor joko duelako. Hala, Meteorologiako Zuzendaritzak jakinarazi du lehen abisua astelehenean hasi zela, gaueko bederatzietan. Aurreikuspenen arabera, abisu hori aktibo egongo da asteazkenera arte, goizeko bederatzietan.

Era berean, suteen arriskua nahiko handia dela azaldu dute sail horretatik.

Euskalmeten aurreikuspenen arabera, gaur giro eguzkitsuarekin jarraituko da baina hodeiak ugariagoak izango dira, batez ere eguerditik aurrera, erdi mailako hodeiak eta goi-hodeiak gehienbat. Egunaren hasieran Ebro ibarraren inguruan lanbroa eta lainoa agertuko dira. Hegoaldeko haizea biziago ibiliko da, bolada oso gogor batzuekin ipar-ekialdeko mendi inguruetan. Tenperatura maximoek berdintsu jarraituko dute eta kostaldeko altuenak epelak izango dira.

Bestalde, Hego/hego-ekialdeko haizea 4ko indarrarekin ibiliko da, 5eko tarteekin. Itsaso kizkurra eragingo du, itsaskirriko guneekin. Ipar-mendebaldeko hondoko itsasoak metro erdi inguruko olatuak altxatuko ditu.

Biharko abisu hori amaitu egingo da. Izan ere, bihar goizean Arabako hegoaldean lanbroa eta lainoa agertuko dira. Zerua hodei gutxirekin egongo da, goi-hodeiekin, goizaldean eta goizean goiz tarteka hodeitsu, erdi mailako hodeiekin eta goi-hodeiekin. Hegoaldeko edo hego-ekialdeko haize ahulbizia ibiliko da, bolada gogorrekin eta oso gogorren batekin goizaldean; goizean haizeak indarra galdu egingo du. Arratsaldean kostaldean ipar-osagaiko haize ahula ibiliko da. Tenperaturan aldaketarik ez edo gutxi igoko da.