Gasteizko Udaleko Osasun Publikoaren Zerbitzuak inkesta bat egingo du herritarrek adikzioei buruz duten pertzepzioa ezagutzeko, Deustuko Unibertsitateko Drogamenpekotasunen Institutuarekin lankidetzan. Adikzioen V. Tokiko Plana egiteko aurreikusitako ekintzetako bat da, eta ostegun honetatik martxoaren 20ra egin ahal izango da.
Gasteizko Udaletik jakinarazi dutenez, ikerketaren helburua informazioa lortzea da, adikzioekin lotutako babes, murrizketa eta prebentzio faktoreak eraginkortasunez lantzen lagunduko duten ekintzak diseinatzea ahalbidetzeko.
Adikzioen Tokiko V. Plana idazteko lanarekin lotuta, Osasun Zerbitzua diagnostiko fasean ari da lanean. Fase horrek azterketa kualitatibo eta parte hartzailea eta kuantitatiboa ditu, eta hirian substantziarekin eta substantziarik gabeko adikzioei buruzko datuak lortzea ahalbidetu du iturri ofizialetatik.
Inkestaz gain, partaidetza diagnostikoaren faseak adikzioen arloan lan egiten duten erakunde eta elkarteekin, ikastetxeekin, udal teknikariekin eta Udaleko Oinarrizko Gizarte Zerbitzuekin lan saioak egitea aurreikusi da
Inkestaz gain, partaidetza diagnostikoaren faseak adikzioen arloan lan egiten duten erakunde eta elkarteekin, ikastetxeekin, udal teknikariekin eta Udaleko Oinarrizko Gizarte Zerbitzuekin lan saioak egitea aurreikusi da.
Inketa eskuragarri egongo da ostegunetik udal webgunean, udal kirol instalazio eta gizarte-etxeetan, BIZAN zentroen sarean eta KZgunean jarritako karteletan QR kode baten bidez. Paperean ere bete ahal izango da gizarte etxeetako topaguneetan, oinarrizko gizarte zerbitzuetan eta BIZAN zentroetan; betetzeko 5-10 minutu beharko dira, eta lortutako datuak erabat anonimoak eta konfidentzialak izango dira.