Araban erregistratutako heriotza-kopurua handitu egin da

Araban hildako kopurua handitu egin da, ez bakarrik lurraldean, baizik eta Euskal Autonomia Erkidego osoan.

Eustat Euskal Estatistika Erakundeak egindako eta eskainitako azken datuen arabera, nabarmentzekoa da iaz Euskal Autonomia Erkidegoan erregistratutako heriotzen kopurua igo egin zela.

Zehazki, joan den urteko hirugarren hiruhilekoan 6.015 pertsona hil ziren, hau da, % 8,4 gehiago .

Halaber, urtarriletik irailera bitartean metatutakoa ere handitu egin zen: 18.229 heriotza izan ziren, 2021eko aldi berean baino %7,5 gehiago.

Heriotzek hiru lurraldeetan egin zuten gora, eta bereziki esanguratsua izan zen Araban izaniko igoera, % 11,5ekoa, 755 heriotza." Hiru hilabeteetan heriotza-tasak gora egin zuelako gertatu zen igoera Araban: uztailean % 24,9, abuztuan % 8,9 eta irailean % 1,4", azaldu dute txostenean. Bestalde, Bizkaian, igoera % 9,2koa izan zen hiruhilekoaren guztirakoan (3.324 heriotza); uztailean % 38,9koa izan zen igoera, eta abuztuan eta irailean % 3,9 eta % 5,1ekoak jaitsierak, hurrenez hurren.

"Gipuzkoan igoera apalagoa izan zen hiruhileko horretan, % 5,9, 1.936 heriotza alegia; uztailean % 16,6 igo ziren, eta abuztuan % 1,9; aitzitik, irailean % 0,8ko jaitsiera izan", gaineratu dutenez.

Heriotza-kausa nagusiak tumoreak eta zirkulazio-sistemako gaixotasunak izan ziren, 1.605 eta 1.319 heriotza eragin baitzituzten, hurrenez hurren; beraz, bien artean heriotzen % 48,6 izan ziren. Hirugarren heriotza-kausa nerbio-sistemako gaixotasunak izan ziren, 399 heriotzarekin (% 6,6). Covid-19a izan zen 367 heriotzaren kausa nagusia (% 6,1). "Heriotzen kausak desberdinak izan ziren oraindik ere sexuaren arabera: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino; emakumezkoen artean, berriz, heriotza-kausa nagusia zirkulazio-aparatuko gaixotasunak izan ziren, eta tumoreak bigarren", ondorioztatu dute.