Donostian Gabonetako giroa sumatzen da aspaldi. Argiak, gaztain erre usaina eta, noski, azokak. Horien artean, besteak beste, Lur Kolektiboak antolatzen duena dago. Artzai Onaren Katedralaren eta Koldo Mitxelena Kultur Etxearen artean kokatuak daude 37 postuak, bertan bitxigintza, larrugintza eta jostailugintza lantzen duten artisauen produktuan erosi eta ikusi ahal dira.
Gipuzkoako Kale Nagusian Laia Varelarekin hitz egin dugu azokari buruz, bera kolektiboko kidea da eta bitxigintza lantzen du. Abenduaren 16an eman zioten hasiera azokarri, poz handiz berreskuratu dutelako beste urteetako kokapena eta "orain artisau guztiek ikusten dugu aurpegia elkar".
Varelak gogorarazi digu goiz eta arratsaldez dagoela irekita eta urtarrilaren 5a izango dela azkenego eguna. Bitartean "aprobetxa ezazue eta eskuratu hemen zuen Gabonetarako oparia".