Bilboko Udalak 'Gazte Solidarioen' programaren edizio berri bat jarri du martxan

Bilboko Udalak 'Gazte Solidarioen' programaren hamahirugarren edizioa jarri du martxan. Aurten, gradu ondoko 46 ikasle gaztek gehienak EHUkoak (44), eta beste batzuk Deustuko Unibertsitatekoak eta Mondragon Unibertsitatekoak plaza lortu dute.

Programa horren bidez, 20 udal etxebizitza eskaintzen dira, alokairu partekatuan, prezio sinboliko baten truke: 55 euro hilean, pertsonako (argindarraren eta uraren gastuak kanpo); etxebizitza horiek sukalde hornitua eta altzariak izaten dituzte.

Trukean, ikasleek proiektu komunitarioetan eta kolektibo zaurgarriei laguntza emateko ekimenetan parte hartu behar dute etxebizitza horiek dauden auzoetan, hau da, Otxarkoagan eta Bilbo Zaharrean.

Jon Bilbaoren hitzetan, “dagoeneko hamahirugarren edizioa betetzen duen programa honen helburua bikoitza da: ikasleei aukera ematea etxebizitzak eskuratzeko prezio egokietan eta udal-etxebizitzetan bizi diren gazte horiek auzoaren gizarte-kausetan parte har dezaten bultzatzea”.

Programaren edizio berri honen aurkezpen-ekitaldia Otxarkoaga auzoan izan da, eta han izan dira Jon Bilbao, Etxebizitza Saileko zinegotzia eta Udal Etxebizitzak udal entitateko presidentea, Gorka Moreno, EHUko Bizkaiko Campuseko errektoreordea, Nekane Garatea Deustuko Unibertsitateko Nazioarteko Harremanetako Bulegoko ostatatze eta harrera saileko arduraduna eta Aitzol Garmendia, Mondragon Unibertsitatea eta unibertsitate horrek Bilbon duen LEINN gradua ordezkatuz.

Edizio honen xehetasunak agertu ostean, bisita bat egin da programan sartuta dauden etxebizitzak ikusteko, Otxarkoagako auzoan, han bizi den ikaslearekin batera, zeina gizarte lankidetzan ari baita AMUGE elkartean (Emakume ijitoak ahalduntzeko eta sustatzeko kulturarteko elkartea), zeina auzo horretan bertan baitago.

Programa abian jarri zenetik, 450 gazte baino gehiagok (batez beste 26 urte dutenak) parte hartu dute Gazte Solidarioak programan, zeina Udal Etxebizitzak udal entitateak sustatzen baitu. Aldi honetan, 2022/23 unibertsitate-ikasturterako etxebizitza bat alokairu partekatuan eskuratu duten XX gazteen artean, % 54,8a emakumeak dira, eta % 45,2a gizonak.