Bozketa irekita dago Igeldo Tokiko Entitate Txikia izendatzeko

Aspalditik daude Igeldoko biztanleak barne-gaietan eskumenak izateko eskaera egiten, horrexegatik murgildu ziren Tokiko Entitate Txikia bihurtzeko prozesua eta, bidea luzea izan bada ere, antza denez, bukatzeke dago.

Igeldoko herritarrek apirilaren 14an bozkatuko dute Toki Erakunde Txiki bihurtu nahi duten ala ez. Tokiko Gobernu Batzarrak onartu du bozketa prozesua Osoko Bilkuran; Aldundiaren behin betiko onarpena lortu baino lehen doan pausoa da eta, herrikideek bozka dezaten, aurretiko bozketa sistema ahalbidetu da Easo Kaleko 43. zenbakiko udal zerbitzuetan. Zerbitzu hori gaurtik ostiralera, apirilak 12, egongo da irekia, azaldu digu Eneko Dorronsorok, Igeldoko Herri Kontseiluaren Lehendakariak. "Aurretik jasotako botoak igandeko hautetsontzietara eramango dira eta igandeko bozketekin nahastuko dira".

Bai edo Ez bozkatu ahalko da, soilik eta erantzuna ez balitz aukera horietakoren bat boto hutsa balitz kontatuko litzateke. Igandeko bozketa 09:00tik 20:00ak bitartean egongo da irekita Itsas Aurre eraikinean, Igeldoko Plaza 4.en zenbakian.

Dorronsorok baiezko aterako dela esan digu "lan handia egin dugu herrian, baiezkoa ateratzea nahi dugu", hala ere, aitortzen zuen bozketa horrekin prozesuak hasi besterik ez duela egin. Lehenik eta behin, udal idazkaritzak botoak kontatu eta, gehienez, hiru egunetan iragarri beharko du emaitza. Orduan Aldundiaren txanda helduko litzateke eta behin erakunde horren baiezkoa izan Tokiko Entitate Txikia izateko prozesua hasiko litzateke. 

Dena ondo joanez gero, azaltzen zigun Dorronsorok, bi edo hiru hilabetetan Igeldo Tokiko Entitate Txikiaren izendapena jasoko luke, "ekaina edo iraila bitartean espero dugu, jada, prozesua bukatuta egotea".