Dieten eta fisikoen pentsamoldearen aldaketa gizarte osoan

Zer iradokitzen dizu cheat meal hitzak? Fitness bizitza sustatzen duten pertsonen artean iritzi desberdinak sortzen ditu termino horrek, eta oso kontrajarriak. Dietak egiteak kontrako efektua ekar dezakeela barneratuta (errebote-efektua, atrakoiak, obsesioa, helburuak ez lortzeagatik etengabeko frustrazioa, gehiegizko gosea eta antsietatea, besteak beste), eta behin bizimodu osasungarria izateko beharra barneratuta izan eta gero, astean egun bat libre egin ala ez egin profesionalen artean eztabaida sortzen duen kontzeptua da.

Zergatik sortzen du, zehazki, desadostasuna profesionalen artean? Hain zuzen ere, elikagaiak debekatzearen sentsazioagatik, astean behin bakarrik onartzen baitira, bizitza osasungarrian ez baitago ezer debekaturik. Naroa Esparza dietista eta nutrizionistarentzat, garrantzitsua da ulertzea bizitza osasuntsu batean elikagaien %80 modu kontziente eta osasuntsuan egiten direla, baina %20 elikagai guztiez gozatuz egiten direla, baita kalorikoez ere, une zehatzagoetan zentzuz egiten bada. Testuinguru horretan, % 20ko elikadura ez-osasungarria ehuneko hori baino handiagoa izan ez dadin, garrantzitsua da astero egingo den menuen plangintza egitea, horrek onura batzuk ekar baititzake. Adibidez, plater berean zapore desberdinez gozatzeko aukera, janaria planifikatzerakoan mantsoago edo mimoz egiteko joera baitago. Gainera, plangintza horrek gehiago asetzen duten eta elikagai ultra prozesatuak saihesten dituzten elikagaiak bilatzen laguntzen du.

Era berean, plangintza horrek ordena handiagoa eskaintzen dio fisikoa zaindu nahi duen pertsonari eta hainbat makronutriente ematen dizkio platerei (karbohidratoak, gantz osasungarriak eta hainbat proteina). “Dieten patroia behin eta berriro errepikatzen duzuen patroi bat da, nahiz eta emaitzen berri izan, beraz gauzak beti era berean egiten badituzue emaitzak ezin litezke deberdinak izan. Emaitza desberdinak lortzeko gauzak beste era batera egitea ezinbestekoa izango da, beraz utzi ditzagun dietak eta hauek eragiten dituzten frustrazioak alde batera eta ekin dezagun elikadura ohitura osasuntsuak denbora luzez mantentzeari”, ondorioztatu du profesionalak. – E. F. Domínguez