Diru-sarreren % 8, energia-gastuari

Arabako eta Euskal Autonomia Erkidegoko familiek, batez beste, diru-sarreren zortzi puntu bideratzen dituzte energia-fakturak ordaintzera, eta hileko batez besteko gastua 193 eurokoa da gasean, elektrizitatean eta erregaian. Halaxe jasotzen du Grupo Mutua Propietarios etxeko energia-fakturaren azterlanean. Gainera, txosten horretan zehazten dute, halaber, etxebizitza ahulenak direla, proportzioan, energia ordaintzeko diru-sarrera gehien ordaintzen dituztenak.

Horrela, eta txostenaren arabera, energia-fakturaren hazkundearen ondorioz, arreta handiagoa jarri da zenbait errutinatan, gastua murrizteko. Etxetresna elektrikoak gehiago betetzea (% 93), fakturak berrikustea hileko kontsumoa ezagutzeko (% 83) eta berogailuaren edo aire girotuaren tenperatura erregulatzea dira etxeko ohiko hiru energia-ohiturak. Hala, negu gogorrari aurre egiteko, EAEko biztanleen % 80k adierazi du prest dagoela Gobuernuak proposatutako neurriak betetzeko. “Gaur egungo egoerak energia-kontsumo eraginkorrago eta arduratsuago baten aldeko hausnarketa eskatzen die etxeei eta jabekideen komunitateei, baliabideak zaintzen lagunduko duen eredu baterantz”, azaldu zuen Laura López taldearen, Bezero eta Kanal Alternatiboen zuzendariorde nagusiak. Ildo horretatik, kontsultatutako etxeen arabera, ohiturak aldatu egingo dira, eta, besteak beste, pertsianak gauez ixtea (% 88), berogailua itzaltzea lo egiten den bitartean (% 82) edo etxea 19 eta 21 gradu bitarteko tenperaturan izatea (% 76). Neurri txikiagoan bada ere, biztanleen % 59k esan du autoaren ordez garraio publikoa erabiliko duela, edo termostatoa 15 gradutara murriztuko duela etxetik irteten bada (% 60).

“Konpromiso horiek ahalik eta hobekien betetzeko, euskaldunek aurrea hartu dute dagoeneko, beren etxeetan obrak eginez”, azpimarratu zuten txostenean. Egindako hobekuntza nagusien artean, gehien inplementatu direnak itzulera ekonomiko azkarragoa dakartenak dira (bonbillak LED argiztapen-sistemekin aldatzea ( % 69), energetikoki eraginkorrak diren etxetresna elektrikoak ( % 59), leihoetako isolamendua ( % 64) edo toldoak jartzea ( % 34). “Hala ere, inbertsio handienak eta epe luzerako itzulera dutenak, hala nola eguzki-panelak instalatzea ( % 4), auto elektrikoa kargatzeko puntuak ( % 4) edo aerotermia sistemak instalatzea ( % 5)”, erantsi zuten.

Komunitatean

Bestalde, energia-kostuen igoerak ez die bakarrik eragiten banakako etxeei, baita jabeen komunitateei ere. EAEko biztanleen % 41ek aitortzen du ez duela izan komunitateko kuota-igoerarik arrazoi horrengatik, baina % 30ek onartzen du kontrakoa, “eta batez beste 31,6 euro gehitzen ditu hilean, hau da, 380 euro gehiago urtean, etxeko komunitate-gastuetan”, nabarmendu zutenez. Ildo horretatik, azterlanak adierazten du 10 komunitatetik 6k energia hobekuntzak egin dituztela azken bi urteetan. Argiztapen-aldaketa (% 37), teilatuak zaharberritzea (% 28) eta fatxada hobetzeko obrak (% 23) dira etxebizitza-eraikinetan egindako hiru jarduera nagusiak. Hala ere, energia hobetzeko obrak egin dituzten komunitateen % 16k bakarrik eskatu zuen laguntza edo diru-laguntzaren bat, eta % 10i eman zitzaion. Puntu honetan, “aipagarria da finka-administratzailea duten edo ez duten komunitateen artean alde nabarmena dagoela laguntza lortzeko orduan: zerbitzu hori dutenek ehunekoa bikoiztu egiten dute, %5etik %11ra”.