Zein dira nekazaritza eta abeltzaintza sektorearen erronka nagusiak? Belaunaldi-aldaketa gertatzen ari da? Europako zein laguntza ekonomiko daude indarrean nekazari eta abeltzainentzat? Sektore jasangarria da? Zer formula behar dira produktiboagoak izateko? Galdera horiek eta beste asko izan dira DIARIO DE NOTICIAS DE ÁLAVA egunkariak antolatutako topaketako eztabaida nagusia. Izan ere, Arabako nekazaritzaren egungo egoeraren eta etorkizunean izango dituen erronken erradiografia egin du.
Víctor Goñi egunkari honetako zuzendariak moderatuko du topaketa, eta nekazaritzako hainbat eragilek hartu dute parte. Bertan izan dira Andrés García (Garlaneko zuzendari nagusia); Goio Manrique (HAZIko antolaketa eta eraldaketa digitaleko zuzendaria); Maite Corres Manero (Konfekoopeko nekazaritzako elikagaien sektoreko teknikari koordinatzailea); Olatz Unamunzaga (Neiker-eko berrikuntza eta teknologiako arduraduna), Jesús Manuel Moreno (Udapa Sociedad Cooperativako zuzendari komertziala eta marketina) eta Luis García Hernández (Nafarroako Rural Kutxako nekazaritza saileko arduraduna).
Topaketa horretan baloratu dutenez, sektoreak etorkizuneko erronka batzuei egin behar die aurre, Arabako nekazaritza bultzatzen jarraitzeko. Erronka horien artean, aipatzekoak dira, besteak beste, lehiakortasunaren hobekuntza zenbait parametrotan (nekazaritzako azpiegiturak: ureztaketen modernizazioa eta lurzati berrantolamendua; inbertsioetarako hobekuntza planen laguntzak gehitzea; bestelako makineria bateratuen erakundeak indartzea; nekazaritza erakundeen eginkizuna...), teknologia berrien erronkak eta ingurumen arloko eskakizunak.