Durangoko Udalak hainbat berrikuntza eta proiektuei ekingo dio uda honetan. Proiektu horien barnean haurrentzako jolas parkeak sortzea eta berritzea izango ditu helburu.
Esate baterako, bi haur parke berri jartzeko lanak sortu berri ditu, Txibitenako eta Sasikoako auzuneetan kokatu izango direnak. Azken honek aurretik zegoen haur parkea ordezkatuko du, zahar nabarra omen baitzen.
Aldi berean, Zabalarra ikastetxeko jolasgunean ere hobekuntza lanak egingo dira, kalteak zituzten zenbait elementu konpontzeko, besteak beste.
BESTE HAUR PARKE BATZUEN HOBEKUNTZAK
Txibitena eta Sasikoan kokatutako parkeak ez dira bakarrak izango. Izan ere, haur parke berri horiek Durangoko Udala dagoeneko San Inazion eta Otamotzena (Aramotz auzunean dagoena) parkean egiten ari den lanei gehitu behar zaizkie. Parke berri horiekin haurren aisialdirako guneak hobetu eta handitu nahi dituzte. Izan ere, parke horietan txintxaunak, txirristak, tirolinak eta hainbat jolas-estrukturak jarri izan dituzte haurrek eta familiak arratsaldean ondo igarotzeko.
“Haurrentzako aisialdi eskaintza hobetzea gobernu talde honen apustua da. Otamotzenako parke berria sortu eta San Inazio parkea berritzen gabiltzan honetan, hurrengo hilabeteetan Txibitena eta Sasikoako haur parkeen txanda izango da. Datozen hilabeteetan hainbat proiekturekin jarraituko dugu lanean, Durango herri atsegina izan dadin haur eta gazteenentzat”, adierazi dute Aritz Bravo eta Jorge Varela zinegotziek.
AURREKONTUA
Dena guztira, 83.495 euro (BEZ barne) erabiliko dira lanetarako. Halaber, modulu berriak instalatuko dira haurren jolaserako.