Erosketa-saskia betetzeko orduan supermerkatuetan hartzen diren erabakiek eragin zuzena dute Arabatik haratago. Hain zuzen ere, Gasteiz konexioan jardunaldiak –bihar ospatuko dena–, Arabako lurraldearen eta urrutiko tokien arteko loturak erakustea du helburu, batez ere Arabako garapenerako GKEek lan egiten duten tokian. Hala, bihar Gasteiz konexioan jardunaldiaren zazpigarren edizioa egingo da, Eraldaketa lapikoan titulupean. Euskadiko Garapenerako GKE-en Koordinakundeak antolatutako sentsibilizazio-jardunaldia da. Nazioarteko lankidetzan lan egiten duten 84 euskal GKE biltzen ditu sare horrek (horietako 30 Araban daude). Jardunaldia bihar izango da, 18:00etan, Gasteizko Aldabe Gizarte Etxeko antzokian. Saiorako sarrera librea eta doakoa da, edukiera bete arte.
Supermerkatu baten artxiboko irudia. | ARGAZKIA: JOSÉ MARI MARTÍNEZ
Zehazki, eta ildo horretatik jarraituz, nabarmentzekoa da jardunaldi honen helburua, hain zuzen ere, Arabako lurraldearen eta urrunagoko beste leku batzuen arteko loturak erakustea dela, batez ere Arabako garapenerako GKEek lan egiten duten tokian. Horrela, gizarte bidezkoagoa eta solidarioagoa eraikitzen parte hartzen duen herritartasun aktiboa sortu nahi da. “Lotura horien ondorioz, gure kontsumo-ekintzek, jarrerek eta ohiturek ondorioak izango dituzte gure ingurunetik haratago. Dena lotuta dago mundu globalizatu honetan: arropa, elikadura, energia, klima-aldaketa, osasuna, hezkuntza, pobrezia, aberastasuna, desberdinkeriak, eskubideak, aukerak...”, azaldu zuten Euskadiko Garapenerako GKE-en Koordinakundetik atzo. Izan ere, egun jardunaldi honek zentzu berezia hartzen du, hainbat arlotan dagoen ziurgabetasunagatik. Energia-krisiaren ziurgabetasunetik hasi, inflazio berera, hornidura-eskasiara, baita norberaren prekarietatea edo ziurgabetasun ekonomikoa ere. Horrek guztiak zuzeneko eragina du pertsonengan, batez ere, desberdintasun bat sortzen du gizartean, dauden eremu geografikoen arabera; desberdintasun bat gizarte-klasean edo baliabideetan. Hori dela eta, Euskadiko Garapenerako GKEen Koordinakundetik azpimarratu dute gaur egungo mundu globalizatuan, supermerkatuetan hartzen diren erabakiek milaka kilometrotara dauden pertsonen eskubideei eragiten dietela, munduko krisiek euskal inguruneari ere eragiten dioten bezala: “Egungo mundu globalizatuan, erosten eta jaten dugunak milaka kilometrotara bizi diren pertsonen eskubideetan eragiten du. Era berean, munduko krisiek ere eragina dute gure ingurunean, adibidez, erosketa-saskiaren prezioen igoeran. Mundu mailako kontsumitzaile eta ekoizleok merkatuaren oso mendeko gara eta zaurgarritasun handiko egoeran geratzen gara. Hortaz, gure erosketa-saskia gizartearen norabidea aldatzeko eta pertsona ororentzat elikadura osasuntsua, jasangarria eta bidezkoa bermatzeko tresna da, giza eskubideak eta ingurumena errespetatzen dituena”. Ana Urrutia kazetariak aurkeztuko du lekukotzez, musikaz eta bideoz betetako jardunaldia, zeinak herritarrei kontsumo ohiturei buruzko gogoeta eragingo dien. “Gure menuaren eragina han eta hemen atalean, Ekuadorreko Maquita Fundazioak hartuko du parte. Fundazio horrek ekoizpen jasangarriaren, bidezko merkataritzaren eta kontsumo arduratsuaren alde egiten du lan, herrialde horretan zaurgarritasun-egoeran bizi diren familien bizi-kalitatea hobetzeko”. Halaber, Ekologistak Martxan erakundeko bozeramaile Isa Álvarez Vispo arabarrak ere hartuko du parte. Erakunde horren ustez, ingurumen-arazoen jatorria ekoizpen- eta kontsumo-eredu gero eta globalizatuagoa da, eta eredu horretatik beste gizarte-arazo batzuk sortzen dira. “Bi testigantzekin egiaztatuko dugu arazo komun eta globalei neurri bereko irtenbideak eman behar dizkiegula” azpimarratu zuten. Zer egosten da erosketa-sakian? atalean, zenbait kolektibok hartuko dute parte. Batetik, Bioalai elkarte arabarrak. Talde horrek elikagai ekologikoak kontsumitzearen garrantziaz kontzientziatuta dauden pertsonak biltzen ditu, eta ingurumena eta abeltzaintza gehiago errespetatzen dituen ekoizpen-eredu osasuntsuago baten alde apustu egiten dute. Produktu horiek erosi eta saltzeko denda bat dute. Bestetik, Carro de combate kolektiboak hartuko du parte, kontsumitzen ditugun produktuen jatorria ikertzen duen kazetaritza independentean diharduen kolektiboak. Haien ustez, kontsumitzea politika-egintza da; izan ere, eguneroko erosketak egitean atzean dauden enpresei laguntzen diegu.
Azkenik, Bionekazaritza eredu agroekologiko baten alde egiten duten ekoizle eta kontsumitzaileen kolektiboak hartuko du parte jardunaldian.
Xehetasunez
Musika emanaldia. Kalimbaren haurrentzako musika-emanaldia ere egongo da. Elkarte horrek jolaserako, kulturarteko eta belaunaldien arteko gunea eskaintzen du, batez ere haurrei zuzendutako musika-topaketen bidez. Helburua da familia migratzaileen
harrera eta parte-hartzaile guztien sozializazio egokia ahalbidetzea.
Jardunaldia. Jardunaldiaren antolatzaileek azaldu zutene, Jardunaldiari amaiera emateko, Slow Food Araba elkarteak prestatuko du zero kilometroko produktuekin (tokiko elikagaiekin) egindako pintxo baten dastaketa. Elkarte horrek kalitatezko tokiko produktuak sustatzen ditu, eta ingurumenarekin eta biodibertsitatearen babesarekin arduratsuak diren ekoizleei laguntzen die. Jardunaldia bihar izango da, 18:00etan, Gasteizko Aldabe Gizarte Etxeko antzokian. Saiorako sarrera librea eta doakoa da, edukiera bete arte.. Bestalde, jarduera honen edizio berria Gasteizko Udalaren, Arabako Foru Aldundiaren eta Garapenerako Lankidetzaren Euskal Agentziaren laguntza du.