Zestoako EAJ-PNVren Uri Batzarrak legealdi honetan jeltzaleen udal taldeko bozeramailea den eta 2020. urtetik legebiltzarkide gisa lanean ari den Garikoitz Mendizabal Etxeberria aukeratu du datorren urteko udal hauteskundeetan jeltzaleen alkategaia izateko.
1973an Zestoan jaioa, bi semeren aita eta txistulari ospetsua, Mendizabalek eskerrak eman dizkie afiliazioari eta alderdiari berarengan jarritako konfiantzagatik. “Zestoa bihotzean daramat eta ilusio handiz hartzen dut gure herriak bizi duen paralisi egoeratik ateratzeko behar dituen politikak bultzatzeko erronka”, adierazi zuen asteartean bere hautagaitza aurkezteko egindako agerraldian.
Jeltzaleen alkategaiak EAJ-k Zestoarako “jarduera zehatz eta egingarriekin” duen eta “herritarren beharrei erantzuteko landutako proiektua” nabarmendu zuen; EAJren ibilbidea “etorkizunari aurre egiteko bermea” dela azpimarratuz.
Mendizabalek zestoarrek Udalean duten konfiantza berreskuratzearen alde egin zuen, “EH Bilduren Gobernuaren motibazio falta eta ahultasunaren aurrean”. Helburu horrekin, “EAJk talde ona aurkezten du, Zestoak aurrera egiteko behar duen motibazioarekin”, amaitu zuen.
Noticias Relacionadas
Comienza a funcionar la noria navideña de Alderdi Eder
El centro de atención 24 horas para víctimas de violencia sexual de Donostia ha atendido a 183 personas
La Fiscalía rebaja su petición de pena de cárcel para el 'argelino', acusado de la muerte de Santi Coca
Eider Mendoza se muestra "optimista" ante la segunda fase de la negociación presupuestaria que comienza este jueves
La marea rosa de katxalin recorrerá Donostia este domingo
El 'argelino', el principal acusado del asesinato de Santi Coca, niega que le pegara la patada que le provocó la muerte
La AP-1 se cerrará este jueves por la noche entre Gipuzkoa y Araba
