Hotza izango da gaurko egunaren protagonista, eta, oro har, eguraldia ez da asko aldatuko atzoko egunarekin alderatuz gero.
Hala, eta ildo beretik jarraituz, Euskal Metereologia Agentzia Euskalmetek iragarri duen bezala, gaurko egunerako negu gorriko giroa jarraituko da. Hotz handia egingo du eta ipar-haizeak hotz-sentsazioa areagotu egingo du bere abiadurarekin. Barnealde osoan egingo du izotza, baliteke kostaldeko zenbait lekutan ere egitea. Hodeiak nagusi, barnealdean noizbehinka elur txikia edo elur-bustia egingo du, elur-kota 100-300 metro inguruan egongo baita. Egunaren bigarren partean prezipitazioa urriagoa izango da. Bestalde, Abisu Horia mantentzen da elurragatik barnealdean 00etatik 24etara ordu lokala. Elur-kota 100-300 metro inguruan egongo da. Prezipitazio txikia egingo du, Kantauri isurialdean noizbehinka ertaina.
Bihar lehenengo partean eguraldiak ildo beretik jarraituko du. Zerua oso hodeitsu egongo da, beraz, eta prezipitazio txikia egingo du noizbehinka, batez ere mendebaldean; elur-kota 100-300 metrora egongo da. Egunaren bigarren partean hotza egiten jarraituko du, baina atertzera egingo du nabarmen eta egunaren amaieran ateri eutsiko dio ia denean. Arratsaldean ipar-haizea indartu egingo da. Bihar ere Abisu Horia egongo da elurragatik barnealdean 00etatik 09etara ordu lokala. Elur-kota 100-300 metro inguruan egon daiteke. Noizbehinka prezipitazio txikia egingo du, batez ere mendebaldean eta egunaren lehen zatian, Euskalmetetik ondorioztatu duten bezala.