Azkoitiko Udalaren Gazteria sailak herriko haur, nerabe eta gazte guztien partaidetzari irekita dagoen aisialdiko eskaintza zabala antolatu du heltzear dagoen gabonetako oporraldirako.
Aurtengoan ikastaro, ikuskizun eta bestelako jarduera ugari izango dira herrian eta horietan parte hartzeko interesa dutenek www.elkarguneazkoitia.eus webgunearen bitartez eman dezakete izena (egitarau osoa ere bertan ikus daiteke).
Aisialdiko ekintza batzuk aipatzearren, 12 urte bitarteko umeei zuzendutako Eguberrietako haur parkea izango da hilaren 28an, 29an eta 30ean. Azken bi egun horietan ere LH eta DBHko gaztetxoentzako Bideo-Jolas Parkea egongo da.
Ikuskizunei dagokionez, ingelesezko antzezlana izango da larunbat honetan bertan Kids & Us akademian eta urtarrilaren 3an Txus & Txu antzezlanarekin gozatzeko aukera izango da (bi emanaldiak doanik dira).
Bestalde, urtarrilaren 2tik 5era bitartean tailerrak, irteerak, jolasak eta era askotako txapelketak izango dira ludotekan eta topalekuan.
Gabonetako aisialdiko eskaintza osatzeko adin tarte ezberdinekoei zuzendutako hainbat ikastaro egongo dira herrian.
Noticias Relacionadas
Nueve personas han perdido la vida cruzando el río Bidasoa en los últimos nueve años
Comienza a funcionar la noria navideña de Alderdi Eder
El centro de atención 24 horas para víctimas de violencia sexual de Donostia ha atendido a 183 personas
La Fiscalía rebaja su petición de pena de cárcel para el 'argelino', acusado de la muerte de Santi Coca
Eider Mendoza se muestra "optimista" ante la segunda fase de la negociación presupuestaria que comienza este jueves
La marea rosa de katxalin recorrerá Donostia este domingo
El 'argelino', el principal acusado del asesinato de Santi Coca, niega que le pegara la patada que le provocó la muerte
