6.000 m² baino gehiagoko zabalera dituzte Hiframasakoak ziren pabilioiak. Gune honetan duela hilabete batzuk hasi zituzten gunea eraberritzeko obrak eta gaur, urriak 18, Mikel Amundarainek, Eusko Jaurlaritzako Industria sailburuak, gunea bisitatu du obren egoeraren berri izateko.

Gipuzkoako Kale Nagusian sailburuarekin hitz egiteko aukera izan dugu eta azpimarratu du orain erbiltzen ez den lurzorua berriz ere balioan jartzeak eta industriaren zerbitzura jartzeak duen garrantzia. Hau da, iraganetik etorkizuna egin.

7 milioiko inbertsioa egin da industriagunean eta, hamabi hilabete barru, 2022. urtean, bi pabilioi ezarriko dira, 3.000 m²koa bakoitza, Momentuz, badakite Katealegaia enpresa, inklusioan oinarritutakoa, bertan ezarriko dela.

Amundarainek, Gipuzkoako industria-ehunari buruz galdeturik, sentsazio onak dituela adierazi du, eta azpimarratu du Eusko Jaurlaritzak inbertsio handia egin duela materia honetan, zehazki, Inbertsio Plan Espezialari buruz hitz egin digu, zeinetan Irun eta Oarsoaldeako industria sustatzeko proiektuak dauden.