Hondarribiko azokaren irudi berriaren eta produktuen saskiak prestatzeko ekimenen balorazio ona egin du udalak
hiru hilabete bete dira Hondarribiko Udalak Azokaren irudi berria aurkeztu zuenetik. Ekimena, hiriko Ingurumen zinegotzi den Juan Luis Silanesen hitzetan, tokiko Gobernuak urteotan egin duen lehen sektorearen aldeko apustuaren barne koka-tzen da, eta esfortzu honen emai-tzak "nabarmenak direla" uste dute administraziotik.
Silanesentzat, asteazkenetan Zumardian eta larunbatetan San Pedro kalean ospatzen diren azokak "oso errotuta" daude Hondarribian, eta horretan sakontzeko, bertako ekoizleen lana errazteko beste ekin-tza batzuk burutu direla gogorarazi zuen zinegotziak: "Botikako Agroaldea daukagu, 15.000 metro karratuko hiru udal lurzatirekin, tokiko produktua egin eta saltzeko". Ildo horretan, Hondarribiaren sustapen ekonomikoan lehen sektoreak duen pisua mantentzea eta susta-tzea Udalaren "ezinbesteko ardatza eta epe labur eta luzerako helburuetarako bat" dela azpimarratu zuen udal arduradunak.
Horregatik, azken hilabeteotan emandako urratsak "oso garrantzi-tsuak" direla uste du Silanesek. Azokaren irudia berritzeaz gain, produktuen saskiak saltzeko sistema berria ezarri zen urte hasieran, eta bi ekimenen balantzea "oso positiboa" da Gobernuarentzat.
"Irudi berriak bertako produktua kontsumitzearen garrantzia islatu nahi du, zero kilometrokoa, bere ontasunena eta kalitate gorenarena", azaltzen zuen zinegotziak, ekoizleen lana Hondarribiko "idiosinkrasiaren" zati handi bat dela eta hori transmitzeko konpromisoa duela gehituz.
Bestalde, tokiko produktuak dituzten saskiak prestatzeko eta entregatzeko zerbitzua sendotu egin da, eta, batez beste, 25 erabiltzailek astero eskatu, erosi eta kentzen dute beren saskia Azokan azken hiru hilabeteetan. Denbora honetan zerbitzua 125 herritarrek baino gehiagok erabili dutela iragarri zuen Silanesek, "errepikapen-portzentaje oso altuarekin". "Gainera", jarraitu zuen arduradunak, "zenbaki izugarri batean ez ziren aurretik Azokako bezeroak".