Adriana Hernandezek Iparragirre 2020 katalogoa aurkeztuko du datorren asteartean, 18.30ean, Urretxuko Aizpurunea kultur etxean. Hernandez historialaria da eta bera arduratu da online katalogoa egiteaz. Bertan, Iparragirreri buruzko dokumentu guztiak jaso dira. Astearteko ekitaldian Iparragirreren errepertorioari buruz ere hitz egingo du.
2020an, Jose Mari Iparragirreren jaiotzaren bigarren mendeurrena zela eta, Urretxuko Udalak tresna bat sortu nahi izan zuen, bertakoei eta kanpotarrei bardo unibertsalaren figura eta obra ezagutzera emateko. Urretxuko liburutegiko fondoak eta pertsonaiari buruzko erreferentziak izan ziren abiapuntua.
Inbentarioa zerrenda bat baino zerbait gehiago izatea zen helburua, eta edukia formatu erabilgarri eta interaktibo batean aurkezteko asmoz, Iparragirre 2020 online katalogoa sortu zen. Katalogoa udalaren webgunean kontsulta daiteke, baina pandemiaren ondorioz, ezin izan zuten formalki jendaurrean aurkeztu. Astearteko ekitaldia baliatuko dute horretarako.
Galderak
Hitzaldian, Hernandezek katalogazio prozesuari eta Iparragirreren irudiari eta bere garran-tziari buruz hitz egingo du. Iparragirreren kantuak erabiliko ditu pertsonaiara hurbiltzeko. Hainbat galdera erantzuten saiatuko da: zergatik da hain zaila bere errepertorioaren zerrenda zehatza egitea?, bere letrak kantuak ala poemak al dira?, zergatik daude pieza beraren hainbeste bertsio?, zer da legitimoagoa, jatorrizko bertsioan abestea ala egungo euskarara egokitutakoan kantatzea?, zergatik daude bere melodia batzuen egiletza eztabaidatzen duten egileak?
Aurkezpenean, katalogoak Iparragirreri buruzko iturri klasikoetara eta ez hain ezagunetara jotzeko ematen dituen aukerak erakutsiko ditu. Inbentarioa zabaltzeko eta eduki digitalak txertatzeko prozesuan egin dituzten aurkikuntzen berri ere emango du.
Helburua jakin-mina piztea eta horren ezagunak ez diren Iparragirreren alderdiak ezagutzera ematea da. Hernandez venezolarra da eta 15 urte daramatza Euskal Herrian bizitzen. Urretxuko Udalaren webguneaz arduratzen den enpresan lan egiten du eta historialaria delako proposatu zioten katalogoaz arduratzea. Ez zuen Iparragirre ezagutzen eta oso pertsonaia interesgarria iruditu zaio.
Noticias Relacionadas
Comienza a funcionar la noria navideña de Alderdi Eder
El centro de atención 24 horas para víctimas de violencia sexual de Donostia ha atendido a 183 personas
La Fiscalía rebaja su petición de pena de cárcel para el 'argelino', acusado de la muerte de Santi Coca
Eider Mendoza se muestra "optimista" ante la segunda fase de la negociación presupuestaria que comienza este jueves
La marea rosa de katxalin recorrerá Donostia este domingo
El 'argelino', el principal acusado del asesinato de Santi Coca, niega que le pegara la patada que le provocó la muerte
La AP-1 se cerrará este jueves por la noche entre Gipuzkoa y Araba
