Irudi digitalen analisirako metodo berri bat, ardoaren azidotasuna kalkulatzeko

Azidotasuna funtsezkoa da ardoa egiteko. Zapore freskoa ematen dio, orekatu egiten du, baina kolorea egonkortzen ere lagun-tzen du. Izan ere, ardoaren azidoek ere kontserbatzaile natural gisa jokatzen dute, eta bereziki garrantzitsuak dira hartziduran. Euskal Herriko Unibertsitateko (UPV/EHU) Kimika Fakultatean egindako gradu-amaierako lan batean, irudi digitala aztertzeko metodo berri bat garatu dute, ardoaren azidotasuna hain zuzen kalkulatzeko.

Mahats batzuen irudia. | ARGAZKIA: DNA

Hala, eta ildo beretik jarraituz, ardoaren azidotasuna ezinbestean kontrolatu beharreko parametroa da, azken produktuan ez ezik, prozesu osoan zehar ere bai. “Gaur egun erabiltzen diren metodoekin erreaktibo eta tresneria ugari behar izaten dira, eta, seguruenik, sarritan ez dira eskuragarri egongo edo ez dira errentagarriak izango. Hori konpontzeko, Aritz Martínez Rodríguezek, Euskal Herriko Unibertsitateko Kimika Fakultateko graduatuak, bere Gradu Amaierako Lana proposatu du: irudi digitalen analisirako metodo berri bat, erreaktibo gehiegi behar ez duena”, azaldu zuten atzo EHUtik. Martínezen hitzetan, gainerako teknikekin alderatuz gero, azido tartarikoaren kontzentrazioa (azidotasun osoa) zehaztu bitartean erabiltzen diren erreaktiboen bolumena bolumetria probetakoa baino %96-98 txikiagoa izaten da (horietan, kolorearen aldaketaren bidez kalkulatzen da pH-a), eta potentziometria probetakoa baino %96 txikiagoa.

Lan horrekin, kimika-ikasleak frogatu du metodo berri horrek zehaztazun ona duela. Hartara, adierazi duenez, “oso baliagarria da ardoaren azidotasuna ezagutu behar denetan, hala nola upategietan hartzidura alkoholikoaren nahiz hartzidura malolaktikoaren prozesuetan (ardoaren ekoizpenean azidotasuna jaisteko egiten da azken hori, jarraipen modura), edota merkaturatzeari begira produktuaren kalitatea neurtzeko probetan”. Erantsi duenez, “metodo horietako edozein ordezteak hobekuntza ekonomikoa eragin dezake, zehaztasun eta doitasunik galdu gabe.Izan ere, Matlab kodea erabiltzeak aukera ematen du metodoak erantzun azkarra eman dezan, tratamendu matematikoak egiteko beharrik gabe”. Hori horrela, argi dauka metodo erabilerraza dela. Ildo horretatik, azpimarra-tzekoa da gazte horrentzat bere lana ez dela hemen amaitu, eta arlo horretan gehiago ikertzen jarrai-tzea proposatzen du. Zehazki, ikasleak uste du posible litzatekeela kit bat diseinatzea metodo hori erabili nahi duen erabiltzaileak material edo tresna gehigarririk behar ez izateko. Hala, kitak pertsonen lan-prozesu osoa erraztuko luke. “Kit-ak honako hauek barne hartuko lituzke: proba egiteko beharrezkoa den mikrotitulazio plaka, analisia egiteko erreaktiboak dituzten flaskoak, eta horien bolumenak plakaren kikaretan jartzeko tresna bat. Mikropipetak erailtzen dira mikrotitulazio plakan bolumenak eransteko, baina material hori tanta-kontagailu batez ordeztu liteke, teknika errazteko. Hala ere, neurketetan zehaztasun handia behar ez denetan soilik egin beharko li-tzateke ordezkapen”, gaineratu zuen.

Ikasketak

Proiektuaren egilearen informazioari dagokionez, Euskal Herriko Unibertsitatean, Kimika Fakultateko Kimika Aplikatua saileko Maider Vidal irakaslearen zuzendaritzapean defendatu zuen Gradu Amaierako Lana Aritz Martínez Rodríguezek, Automatización por análisis de imagen de la medida de acidez en diferentes bebidas alcohólicas izenburupean. Gaur egun Madrilen dago, Madrilgo Unibertsitate Konplutentsean Kimika Organikoko Masterra egiten, zeina Madrilgo Unibertsitate Autonomoak eta Santiagoko Unibertsitateak ematen baitute elkarrekin. Master Amaierako Lana Ikerketa Zientifikoen Goi Kontseiluan (CSIC) egingo du.

Euskal Herriko Unibertsitateak ikasturte amaierako proiektu honen berri eman du, oso garrantzitsua baita. Izan ere, ardoaren azidotasuna funtsezkoa da ardoa egiteko. Hala, ardoaren azidotasunak duen garrantzia kontuan hartuta, eta elaborazio-prozesu osoan ezinbesteko parametroa izanik, ikasleak pentsatu du gaur egun erabiltzen diren metodoek erreaktibo eta tresna asko erabil ditzaketela, eta bere lana, hain zuzen ere, erreaktiboak eta tresnak erabiltzeko ahalegin txikiagoa eska-tzen duen horretara bideratuta dago, lana errazteko.

Xehetasunez

Proiektua. Ardoaren azidotasuna ezinbestean kontrolatu beharreko parametroa da, azken produktuan ez ezik, prozesu osoan zehar ere bai. “Gaur egun erabiltzen diren metodoekin erreaktibo eta tresneria ugari behar izaten dira, eta, seguruenik, sarritan ez dira eskuragarri egongo edo ez dira errentagarriak izango. Hori konpontzeko, Aritz Martínez Rodríguezek, Euskal Herriko Unibertsitateko Kimika Fakultateko graduatuak, bere Gradu Amaierako Lana proposatu du: irudi digitalen analisirako metodo berri bat, erreaktibo gehiegi behar ez duena”, azaldu zuten atzo EHUtik. Martínezen hitzetan, gainerako teknikekin alderatuz gero, azido tartarikoaren kontzentrazioa (azidotasun osoa) zehaztu bitartean erabiltzen diren erreaktiboen bolumena bolumetria probetakoa baino %96-98 txikiagoa izaten da (horietan, kolorearen aldaketaren bidez kalkulatzen da pH-a), eta potentziometria probetakoa baino % 96 txikiagoa.

Egilea. Euskal Herriko Unibertsitatean, Kimika Fakultateko Kimika Aplikatua saileko Maider Vidal irakaslearen zuzendaritzapean defendatu zuen Gradu Amaierako Lana Aritz Martínez Rodríguezek, Automatización por análisis de imagen de la medida de acidez en diferentes bebidas alcohólicas izenburupean. Gaur egun Madrilen dago, Madrilgo Unibertsitate Konplutentsean Kimika Organikoko Masterra egiten, zeina Madrilgo Unibertsitate Autonomoak eta Santiagoko Unibertsitateak ematen baitute elkarrekin. Master Amaierako Lana.