'Iruña Veleia, 3.000 urteko historia' erakusketa ikusgai dago Gasteizko Probintzia plazan

Arabako Foru Aldundiak 'Iruña Veleia, 3.000 urteko historia' erakusketa jarri du ikusgai Gasteizko Probintzia plazan apirilaren 4ra bitartean, aztarnategia lurraldeko hiriburura hurbildu eta pixka bat gehiago zabaltzeko asmoz.

Erakusketa 20 informazio panelek osatzen dute

Erakusketa 20 informazio panelek osatzen dute, eta aste honen hasieran bertan inauguratu dute Inmaculada Sanchez Arabako Aldundiko Kultura zuzendariak, Javier Fernandez Bordegarai Museo eta Arkeologiako zerbitzuburuak eta saileko teknikariek.

Iruña Veleia 2022-2025 epealdian biziberritzeko eta garatzeko proiektuaren barruan, aztarnategia zabaltzeko beste ekintza batzuk egingo dira

Erakusketarekin batera, Iruña Veleia 2022-2025 epealdian biziberritzeko eta garatzeko proiektuaren barruan, aztarnategia zabaltzeko beste ekintza batzuk egingo dira, hala nola bisita gidatuen urteko programa (Aste Santutik irailera), informazio panelak berritzea, nortasun korporatiboa aldatzea edo Gida Arkeologikoa argitaratzea.

"Zabalkundea eman ez ezik, aztarnategi ikusgarri horren garrantzi historiko eta ondare handiaz kontzientziatu ere egin nahi da"

Sanchezen hitzetan, "zabalkundea eman ez ezik, aztarnategi ikusgarri horren garrantzi historiko eta ondare handiaz kontzientziatu ere egin nahi da. Izan ere, guztion lana da gure historiako orri hauek gordetzea, eta, gure aldetik, hirigunetik bertatik, arabarrei eta bisitatzen gaituztenei gogoraraztea altxor bat dugula gure lurraldean, bisitatzea eta berriz bisitatzea merezi duena".