Irurtzun eta Donostia dira Mendi Tour ziklo ibiltariaren hurrengo geldialdiak

BBK Mendi Film Bilbao Bizkaia nazioarteko jaialdiaren Mendi Tour ziklo ibiltaria 2025eko denboraldiarekin darrai, eta, Iruñean eta Vigon "harrera bikaina" izan ondoren, Irurtzun (Nafarroa) eta Donostia izango dira hurrengo geldialdiak.

Zehazki, antolatzaileek jakinataz dutenez, Iratxo Elkartearen eskutik, eta Irurtzungo Udalaren babesarekin, Mendi Tour igandean izango da Iruñerriko udalerrian, otsailaren 16an, Mendi Astean txertatuta.

Saioa Kultur Etxean izango da, 19:00etan, eta hiru film programatu dira. Sarrerak www.irurtzun.eus edota Kultur Etxean bertan eskura daitezke 6 euroan.

Bestalde, Mendi Tour 13. aldiz izango da Donostian datorren astean, astelehenetik asteazkenera, otsailaren 17tik 19ra, Antzoki Zaharrean, Club Vasco de Camping Elkartearen eta Donostia Kulturaren eskutik.

Bederatzi film proiektatuko dira, bertokoak, frantsesak, estatubatuarrak, kanadarrak, poloniarrak, suitzarrak eta italiarrak, eta haietako askoren estreinaldia izango da Gipuzkoan.

Sarrerak www.donostiakultura.eus bidez eta Antzoki Zaharreko leihatilan bertan erosi daitezke (6euro). 19:00etan hasiko dira emanaldiak.

Kasu guztietan film dokumental berriak dira, eta jatorrizko bertsioetan eskainiko dira, euskarazko eta gaztelaniazko azpitituluekin lagunduta.