Lanak amaitu ondoren, haitzulo “seguruagoa” Floridan

Ibilbide hori haitzulo seguruago bihurtzeko, Gasteizko Udalak amaitu du Floridako haitzuloaren egitura eta artea berritzeko esku-hartzea. Gogoan izan behar da espazio horretan iragazte-aldiak eta erortzeko arriskua zeudela, eta, ondorioz, Gorka Urtaran alkatearen taldeak itxi eta lan horiek egin behar izan zituela.

Hala, eta ildo horretatik jarraituz, bukatu dute Floridako haitzuloa ikuspegi estrukturaletik eta artistikotik berritzeko lana. Mugikortasunaren eta Espazio Publikoaren Sailak garatutako proiektuak 450.000 euro inguruko aurrekontua izan du. “Oso ahalegin ekonomiko handia egin dugu gure hiriaren ikur hau berreskuratzeko eta, horri esker, Eguberri hauetan emaitzaz gozatzeko aukera izango dugu”, azaldu zuen atzo alkateak, Gorka Urtaranek, obrara egindako bisitan. Bisitan proiektuaren arduradun Raimundo Ruiz de Escudero Mugikortasun Espazio Publiko zinegotzia izan zen, eta baita Estibaliz Canto Kultura zinegotzia ere. Gune horretan ura sartzen zen tarteka eta eraisteko arriskua zegoen. Ondorioz, Udalak itxi eta esku-hartzea egin behar izan du. “Egitura iragazgaiztu baten eta gaur egun eskuragarri dauden teknologien araberako beste prozedura tekniko batzuen bidez arazo horiek desagerrarazteaz gain, Udalak lan horiek baliatu ditu beste era bateko hobekuntzak egiteko: argiztapenean (led motako proiektagailu berriak gehitu dituzte), irisgarritasunean, osasungarritasunean eta dekorazioan, adibidez. Birgaitze-lanak direla eta, beharrezkoa izan da garai bateko haitzuloa eraistea”, azaldu zuten. Horrekin lotuta, itxura berria bat dator 1905eko jatorrizko haitzuloarenarekin. Birgaikuntzaz arduratu den talde teknikoak haitzulo hura erabili du inspirazio-iturritzat eta haren alderdi ikonikoenetako batzuk kopiatzen saiatu da. Haitzuloa (altuera eta zabalera handitu diote) landaredi gehiagorekin naturalizatu dute, eta horma zimurtsuak ditu, jatorrizkoaren testura imitatzen dutenak. Fatxada ere berritu egin dute eta 1905eko jatorrizko estetika berreskuratzea izan du xede. Gauza bera gertatu da altxatutako bi behatokiekin (segurtasuneko barandarekin) eta ur-jauziarekin. “Beste era batera esanda, haitzulo berria zabalagoa, seguruagoa eta irisgarriagoa da, paisaia arloko integrazio hobea du eta jatorrizko haitzuloaren izaera eta estetika errespetatu ditu. Lan teknikoa ez da erraza izan, baina jatorrizko haitzuloaren nortasuna ‘errespetatzea’ lortu dute, XXI. mendeko eraikuntzako tekniketara egokituta”, gaineratu zuten Udaletik.

IBILBIDEA

Floridako jaiotza Gasteizen Gabonetan gehien egiten den planetako bat da. Izan ere, urtero bezala, milaka herritarrek, turistak zein arabarrak, aurten ere bisitatuko dute ibilbide hau (berritasunez beteta dator beti). Nabarmentzekoa da aire zabalean egiten den aldi baterako museoa dela, eta 1962ko jatorrizko zazpi piezetatik handituz joan dela, bisitari guztien ekarpenei esker, Gasteizko autoreak irudi berriak diseinatzen joan baitira. Izan ere, egun erakargarri garrantzitsua da egun hauetan. Badira hirira ibilbide hori bisitatzeko soilik iristen diren turistak ere.

Muntaia 1962an inauguratu zen eta tradizio katolikoaren arabera Jesus jaio zen herrixkaren birsorkuntza bat da, Florida parkeak eskaintzen dituen espazio naturalak aprobetxatuz eta erabat errealista bihurtuz.

Konposaketarekin bat egin zuten azken irudiak Olentzero eta Mari Domingi izan ziren, gaztagile bat ahuntz sorta baten ondoan eta haur batzuk egurrezko eraikuntzekin jolasean. Hain zuzen ere, iazko aldaketarik garrantzitsuena Olentzero eta Mari Domingiren etxearen kokapen berria izan zen. Aurten ere ehunka bisita espero dira.

Xehetasunez

Florida. Bukatu dute Floridako haitzuloa ikuspegi estrukturaletik eta artistikotik berritzeko lana. Mugikortasunaren eta Espazio Publikoaren Sailak garatutako proiektuak 450.000 euro inguruko aurrekontua izan du. “Oso ahalegin ekonomiko handia egin dugu gure hiriaren ikur hau berreskuratzeko eta, horri esker, Eguberri hauetan emaitzaz gozatzeko aukera izango dugu”, azaldu zuen atzo alkateak, Gorka Urtaranek, obrara egindako bisitan. Bisitan proiektuaren arduradun Raimundo Ruiz de Escudero Mugikortasun Espazio Publiko zinegotzia izan zen, eta baita Estibaliz Canto Kultura zinegotzia ere. Gune horretan ura sartzen zen tarteka eta eraisteko arriskua zegoen. Ondorioz, Udalak itxi eta esku-hartzea egin behar izan du.

Florida. “Haitzulo berria zabalagoa, seguruagoa eta irisgarriagoa da, paisaia arloko integrazio hobea du eta jatorrizko haitzuloaren izaera eta estetika errespetatu ditu. Lan teknikoa ez da erraza izan, baina jatorrizko haitzuloaren nortasuna errespetatzea lortu dute”.

Esaldia

Gorka Urtaran Ahalegin ekonomiko “handia”

“Oso ahalegin ekonomiko handia egin dugu gure hiriaren ikur hau berreskuratzeko eta, horri esker, Eguberri hauetan emaitzaz gozatzeko aukera izango dugu”.