Hemen da Aste Nagusia! Koronabirusaren pandemiak eragindako bi urteko etenaldia gainditu ondoren, larunbat honetan arratsaldean Arriaga Antzokiak txupinaren jaurtiketa jaso zuen.
Antzokiaren barruan, Hiriko bizitza sozialeko aurpegi ezagun ugari bildu dira, Juan Mari Aburto Alkateak eta Udal Korporazioak Bilboko jaien hasieran egin ohi duten harreran.
Hiru urte geroago, milaka pertsona bildu dira berriro ere Marijaiaren zain Arriaga Antzokiaren inguruan. Arratsaldeko 19:00ak aldera, pregoiaren irakurketak eta txupinaren jaurtiketak hasiera eman diote 2022ko Aste Nagusiari, eta ondorengo bederatzi egunotan, jaien 42. edizioa behar den moduan ospatzeko, publiko guztientzako jarduera programa zabala garatuko da.
Lehenago, Bilboko Alkate Juan Mari Aburtok eta Jaietako Zinegotzi eta Jai-Batzordeko Presidente Itziar Urtasunek, Itziar Lazkano Pregoilariarekin, Iratxe Palacios Txupinerarekin eta udal ordezkariekin batera, jai hasierako harrera ofiziala egin diote Bilboko eta Bizkaiko gizartearen ordezkaritza zabal bati Arriaga Antzokiko atartean eta edaritegian.
Hasi dira kontzertuak
Mikel Urdangarin eta Bilbao Orkestra Sinfonikoa (BOS) izan dira 2022ko Aste Nagusiko Abandoibarrako lehenengo kontzertuaren protagonistak. Emanaldiaren lekuko Juan Mari Aburto Bilboko alkatea eta Itziar Urtasun Jaietako zinegotzia izan dira eta artistak agurtu dituzte ikuskizuna hasi baino minutu batzuk lehenago.
Musikaren eszenatoki horretara hurbildu diren bilbotarrek, kantautore euskaldunaren ibilbidearen 25. urteurrena eta BOSen mendeurrena dela eta Zornotzako kantautorearen 15 kantu enblematiko orkestrarako egokitzean zentratzen den “100/25 BOS-Mikel Urdangarin” proiektuaz gozatu dute.
Hurrengo kontzertuen agenda:
Abandoibarra
- Domeka 21, 23:30: Victor Manuel
- Astelehena 22, 23:30: El Drogas
- Martitzena 23, 23:30: Viva Suecia
- Eguaztena 24, 23:30: La Oreja de Van Gogh
- Eguena 25, 23:30: Bulego
- Barikua 26, 23:30: Dani Fernández
- Zapatua 27, 23:30: Pasión Vega
Europa Parkea
- Eguaztena 24, 00:00 horas: Ana Mena
- Eguena 25, 00:00 horas: Los 40 Principales-Aste Nagusia
- Barikua 26, 00:00 horas: En Tol Sarmiento (ETS) + Gaztea
- Zapatua 27, 00:00 horas: Fiestazo Megastar FM+ ADI Bilbao