Martxoaren 9tik 17ra ospatuko da 'Bidaiarien Txokoa' ekimena

Martxoaren 9tik 17ra bitartean, Bilbok 'Bidaiarien Txokoa - Rincón de la gente viajera' ekimenaren edizio berri bat jasoko du. Horren helburua kontatzeko milaka historia dituzten bidaiariek haien esperientziak jendearekin partekatzea da. Begoñako eta Santutxuko udaltegiak izango dira ekimen honen egoitzak.

'Bidaiarien Txokoa - Rincón de la gente viajera' programak bidaian jarriko du arreta, hainbat abentura eta periploetako protagonistekin egindako solasaldi eta ikus-entzunezko hitzaldiz beteriko programa batekin. Programa honek ere partekatuko ditu erakusketak non protagonistak bidaiak izango diren.

Hitzaldietarako, “Bidaiarien Txokoa-Rincón de la gente viajera” Andrea Bergareche, Lápiz Nómada blogekoa, izango da, 40 herrialde baino gehiagotan zehar egindako abenturak eta bidaiak kontatuko dituena; Jon Galdós Elguezabal, “Basajaun en el sendero de los Apalaches” liburua aurkeztuko duena; Anna Naglaya argazkilari eta bidaiaria, "Back to the Roots" dokumentala aurkeztuko duena; eta Juanjo San Sebastián, mendiei, abenturei eta alpinismoaren balioei buruz hitz egingo duena eta bere “El Viaje” dokumentala aurkeztuko duena.

Begoñako eta Santutxuko Udaltegiek Mendi Film Festivalen parte izan diren dokumentalen proiekzio sorta zabala hartuko dute. Ikusi ahal izango diren tituluen artean, aipatzekoa da, adibidez, “An Accidental Life”, Jaialdiko Sari Nagusia 2022ko edizioan, Quinn Brett eskalatzailearen istorioa kontatzen duena, Yosemite El Capitán eskalatzen ari zela istripu traumatiko bat izan zuena.

Programa bi erakusketarekin osatuko da: “Odisea espazioan. Bidaia espazialak literaturan, komikian, musikan eta zineman”; eta Vicente Ferrer Fundazioaren “Bidaia Hiri Amaigabera”. Biak Begoñako Udaltegian ikusi ahal izango dira. Gainera, martxoaren 11rn Begoñako Liburutegian ipuin kontaketa saio bat programatuta da, etxeko txikienentzat.

Bidaiarien Txokoa - Rincón de la gente viajera 2023

Hitzaldiak eta proiekzioak

Martxoak 9, 19:00etan, Santutxuko Udaltegian

• Andrea Bergareche - Lápiz Nómada. Aurkezlea: Juanra Madariaga
• Andrea Bergareche bidaiaria, sormen handikoa eta apur bat ganberroa da. 2012an bidaia egin zuen Mexikora aurrenekoz eta, harrezkero, batetik bestera dabil, geratu barik. 40 herrialdetik gora bisitatu ditu, bakarrik egiten ditu bidaiak eta gero Lápiz Nómada sareko txokoan kontatzen ditu bere abenturak. Bakarrik bidaiatzera animatzen ditu munduko emakume guztiak. Yo viajo sola liburu ilustratua argitaratu du, lehen urrats hori emateko aholkuz betea. Duela urte batzuetatik hona emakumeentzako bidaiak, bestelako ikuspegiarekin, koordinatzen ditu.

Martxoak 10, 19:00etan, Begoñako Udaltegian

• Anna Naglaya - Back to the roots. Aurkezlea: Juanra Madariaga
• Anna Naglaya argazkilari eta bidaiariak Back to the Roots dokumentala aurkeztuko du. Dokumentala Siberian egin zen 2017an, familia bisitatzera joan zenean eta jatorri indigenari buruz ezagutzera joan zenean, 40 herrialde baino gehiago bisitatu ondoren. Dokumentala 2022an argitaratu zen, bere beste proiektuarekin batera: The Artic Chronicles argazki-albuma.

Martxoak 14, 19:00etan, Santutxuko Udaltegian

• Jon Galdós Elguezabal - Basajaun en el sendero de los apalaches. Aurkezlea: Juanra Madariaga
• Distantzia luzeko mendi-ibiltaria, mila eta bat zeharkaldi eginikoa munduko hainbat lekutan, bere abenturarik garrantzitsuenari ekin zion: Appalachian Trail, Apalaches mendikatean zehar AEBetako 14 estatuta zeharkatzen dituen mendi-ibilaldi mitikoa. Biziraupeneko eta erresilientziako balentria bat, jendearentzat bizia hartzen duena Basajaun en el Sendero de los Apalaches liburuan.

Martxoak 17, 19:00etan, Begoñako Udaltegian

• Juanjo San Sebastián - El viaje. Aurkezlea: Juanra Madariaga
• El Viaje denboran zehar bizitako eraldaketa pertsonaleko historia da, eta munduko mendikate eta naturgune desberdinetan izandako esperientzia ugariren historia. Juanjo San Sebastiánen ibilbidea erakusten du, munduko hainbat leku pribilegiatutan egindakoa, hasi Europako mendietatik eta Himalaiaraino edo Karakorumeraino, Yukonetik Hegoaldeko Georgietaraino…, eta, bereziki, berarentzat esangura berezi duten bi mendi: Alpamaio, Peruko Andeetan, eta K2.

Mendi Filmeko onena

Dokumental guztiak jatorrizko bertsioan proiektatuko dira, euskarazko eta gaztelaniazko azpitituluekin, eta Mendi Film Festivalen sarituak izan dira.

Martxoak 13, 19:00etan, Begoñako Udaltegian

• Joy. Joyleen Tugume, Favour eta Abie seme-alaben zaintzan jarduteaz batera, Ugandako Mgahinga Parke Nazionalean bizi den mendiko gorila familia bakarraren babesean diharduen emakume ranger gaztea da. Nyakagezi familia da, 9 kidez osatua.
• A baffin vacation. Erik Boomer eta Sarah McNair-Landry 45 eguneko espedizio batean murgilduko dira Baffin irlako paraje urrun eta galduetan barrena. Eskalatzeko horma ikusgarriak eta urlasterretako kayakean nabigatzeko ibai esploratu-gabeak aurkitzea dute helburu.
• El retorno. Konfinamenduko asterik gogorrenetan, naturan gizakirik ez zegoela dokumentatu ahal izan zen. Pedro Nicolas geografo eta mendizaleak egoera horrek utzitako irakaspenak dakartza, eta gure presentziari eta etorkizun jasangarriari buruz galdera egiten du Espainiako parke natural bisitatuenetako batean: Guadarrama mendilerroan.

Martxoak 15, 19:00etan, Begoñako Udaltegian

• Iretargi. Otsoen ilargia, 2022ko otsaileko ilargi betea, Etxaurin. Dantza bertikalaren eta eskaladaren arteko fusioa. Ilargia orraztuz dantzan dabilen lamia, eta eszenarekin liluratuta dagoen kamera. Phelipe Eizagirrek, Yhabrilek eta Janire Etxabek gorpuztutako sekuentzia artistikoa.
• Yhabril. El buscador de luz. Nola prestatzen du abentura-argazkilari batek haren hurrengo lanerako plangintza osoa? Kasu honetan, ultratrail lasterketa gogorrenetako bat Pirinioetan: Canfranc-Canfranc. Yhabril erreportajean ari da lanean: lo ordu gutxi, 50 kilometro 3 egunez, eta metatutako desnibel handia.
• Lobos. Asturiasko herri txiki bateko abeltzainak otsoa ehizatzeko debeku berriaren aurka agertu dira. Otsoarekiko kezka eta beldurrari buruzko erretratua da hau.
• Into the ice. Hego Amerikako muturrean dagoen ia esploratu gabeko mendikatea da Darwin. 2022ko martxoan eta apirilean, zazpi lagunek nabigatu, eskalatu eta esploratu zuten, bertako glaziarrak klima-aldaketari nola erantzuten ari diren ikertuz, eta Roncagli eta Cerro Sara mendien lehen igoerak osatuz

Martxoak 16, 19:00etan, Santutxuko Udaltegian

• An accidental life. Quinn Brett-ek eskalada istripu larria jasan zuen El Capitanen, Yosemiten, 2017ko urriaren 11an. Gertatutakoaren berri konta dezake, mirariz eutsi baitzion bizirik, baina gerriz behera elbarri geratu zen eta horri aurre egiten ikasi behar izan du geroztik.

Ipuin kontalaria

Martxoak 11, 12:00etan, Begoña Liburutegia

• Mundua hankaz gora! - Ameztu Produkzioak. Euskaraz, 4 eta 9 urte bitarteko haurrentzat. Izen emateak: Begoña Liburutegian

Erakusketak

Martzoarean 2tik aurrera, Begoñako Udaltegian

• Bidaia hiri amaigabera - Vicente Ferrer Fundazioa. Anantapur-ek "hiri amaigabea" esan nahi du, eta Indian dago. Infinituak moldatzen du hango paisaia idor baina aldi berean esperantzagarria, non milaka pertsona bizi baitira. Erakusketak, bada, Vicente Ferrer Fundazioaren lana erakusten du argazki bidez: nola lan egiten duten idortearen kontrako baliabideekin, hezkuntza inklusiboarekin, emakumeen ahalduntzearekin eta kirolarekin. Eta nola horrek guztiak laguntzen dien transformazio sozialean

Martxoaren 6tik aurrera, Begoñako Udaltegian

• Odisea Espazioan. Bidaia espazialak literaturan, komikian, musikan eta zineman.