Datozen asteetan Modestoenea etxea erosiko duela iragarri du Anoetako Udalak. Udal talde osoaren adostasunarekin hartu da erabakia, eta joan den urriko udalbatzan onartu zuten erosketa egiteko 450.000 euroko kreditu-aldaketa.
Eraikina erostearen helburu nagusia da Anoetako herri-ondarea babestea, eta horrela azaldu du Pello Estanga alkateak: “Herritarrentzat balio sentimental handia du Modestoeneak; izan ere, aisirako elkargunea izan da hainbat eta Anoetako hainbat belaunaldirentzat”. Epe laburrean, beraz, erostea erabaki dute ondarea babesteko, eta aurrera begira, berriz, irekita dituzte ate eta aukera guztiak.
Alkateak esan duenez, asmoa dute herritarrekin batera hausnartzeko zein funtzio izango duen eraikinak etorkizunean; eta hori lortzeko modua partehartze-prozesu bat abiatzea izan liteke, beste gai ba-tzuekin egin ohi duten moduan. Izan ere, Anoetako Udalaren nahia da denon artea hartzea erabakia.
Modestoeneak funtzio sozial garrantzitsua bete zuen XX. mendean, Anoetako hainbat belaunaldirentzat bilgunea izan baitzen, eta, horrez gain, estankoa, denda eta taberna ere izan zen hamarkada luzez, beraz, esanahi handia du anoetarrentzat.
Noticias Relacionadas
Comienza a funcionar la noria navideña de Alderdi Eder
El centro de atención 24 horas para víctimas de violencia sexual de Donostia ha atendido a 183 personas
La Fiscalía rebaja su petición de pena de cárcel para el 'argelino', acusado de la muerte de Santi Coca
Eider Mendoza se muestra "optimista" ante la segunda fase de la negociación presupuestaria que comienza este jueves
La marea rosa de katxalin recorrerá Donostia este domingo
El 'argelino', el principal acusado del asesinato de Santi Coca, niega que le pegara la patada que le provocó la muerte
La AP-1 se cerrará este jueves por la noche entre Gipuzkoa y Araba
