Athletic Club taldeak eta Nico Serrano jokalariak akordioa lortu dute bi aldeek zuten lotura beste bi denboraldi luzatzeko, 2028ko ekainaren 30era arte, hain zuzen ere, talde zuri-gorriko iturriek jakinarazi dutenez.
21 urteko jokalari nafarrak astelehen honetan sinatu du kontratu berria San Mamesen, Jon Uriarte presidentea eta Mikel Gonzalez futboleko zuzendari nagusia bertan zirela. Zuzendaritza Batzordeak ezarritako ildotik, helburuen araberako aldagaia duen soldata egitura du kontratu berriak.
Serranok 25 partida jokatu ditu bilbotarren lehen taldearekin, horietatik zortzi egungo denboraldian, eta bi gol sartu ditu
Serranok 25 partida jokatu ditu bilbotarren lehen taldearekin, horietatik zortzi egungo denboraldian, eta bi gol sartu ditu. Bere lehen denboraldian, Marcelino Garcia Toralen aginduetara jokatu zuen lehen partida Rayo Vallecanoren aurka Vallecasen, eta neurketa irabazteko gola sartu zuen. Denboraldi honetan, Ludogoretsen aurka lortutako golak Europa Ligako markagailua irauli zuen (1-2).
“ ”
Mikel Gonzalez pozik agertu da akordioarekin, eta adierazi du 21 urterekin esperientzia duela jada futbol profesionalean, 65 partida batuta Athleticen eta lagapenenen artean.
"Bere abilezia teknikoek erasoko hainbat posiziotan jokatzeko aukera ematen diote, eta erdiraketak egiteko eta amaitzeko duen gaitasunagatik nabarmentzen da. Goleko gosea du. Jauzi lehiakorra eman zuen Racing Ferrolen utzita eman zuen denboran eta aurten minutu garrantzitsuetan sartu da Valverderen aginduetara. Itxaropen handia dugu berarengan", azaldu du.