Ondarroak Arrantza Eskola berria du

Lea Artibai eskualdeko hezkuntza eskaintza zabaldu egin da Ondarroako Antiguako Ama Arrantza Eskolarekin. Eskola honek, hezkuntza hobetzeaz gain, itsas-arrantza sektorea bultzatzea ahalbidetuko dau Bizkaian eta, bereziki, Lea Artibai eskualdean.Unai Rementeria Bizkaiko ahaldun nagusiak, Bittor Oroz Nekazaritza, Arrantza eta Elikadura Politikako sailburuordeak, Joseba Segura Bilboko gotzainak eta Zunbeltz Bedialauneta Ondarroako alkateak martxan jarri dabe astelehen honetan, formalki, Arrantza Eskola barria.

Eskola lehengo Txomin Agirre ikastolako egoitzan kokatuta dagoz, udalerriko Kamiñazpi auzoan, 2,5 milioi euroko inbertsioaren ondoren. Inbertsioa ikastetxearen titularra dan, parrokiagaz batera, Bilboko Gotzaindegiak, Bizkaiko Foru Aldundiak eta Eusko Jaurlaritzako Hezkuntza eta Ekonomiaren Garapen, Iraunkortasun eta Ingurumen sailak ordaindu dabe.

Gotzaindegiak 1949an San Inazio kalean inauguratu zan Arrantza Eskolaren egoitza ordezkatzea erabaki eban, Ondarroako parrokiaren bultzadagaz eta auzokideen, kofradiaren, armadoreen eta eskualdeko hainbat enpresaren lankidetzagaz, instalazioak egungo prestakuntza beharretara egokitzeko, oztopo arkitektonikoak kentzeko eta ikastegia azken barrikuntza teknologikoekaz hornitzeko.

Holan, arduradunek nabarmendu dabenez, arrantza eskola barria, 2.500 metro karratutik gorakoa patioak kontatu gabe, Lea Artibai eskualdeko hezkuntza eskaintza zabaldu eta hobetzen dauan proiektu barritzailea bihurtuko da, hezkuntza lidergoa hartuko dau eta itsas-arrantza sektorea sustatuko dau une erabakigarri batean, "eskaera betetzeko beharrezko belaunaldi erreleboa izan gabe", ikastegiko zuzendaria Bittor San Millanek azaldu dauanez. "Hori guztia, kontuan hartuta Ondarroako portua Kantauri isurialdeko arrantza porturik garrantzitsuenetako bat dala", gaineratu dau.