Pertsona itsuek Internet erabiltzean duten zailtasunaz sentsibilizatu dute

Imajinatzen duzu zeure burua Interneten nabigatzen, begiak estalita dituzun bitartean? Ez da erraza, baina zailtasunetik urrun ia ezinezkoa dirudi. Erronka horri egunero egin behar diote aurre itsuek, Internet ia denetarako erabiltzen den gizartean: informazioa kontsumitzeko, komunikatzeko eta erosketak egiteko, besteak beste. Kriskitin Lasterketak, pandemiaren ondorioz izandako geldialdiaren ondoren, formatu berri bat hartu zuen duela bi urte, eta oraingoan ere errepikatu da, pertsona itsuek aurre egin behar dieten zailtasunak ezagutarazteko helburuarekin. Hala, itsuen zailtasunen inguruan kontzientziatzeko, Gasteizek kriskitin-lasterketa ospatu zuen atzo.

Ildo beretik, ONCEren Euskadiko itsuen edo ikusmen txikia duten pertsonek osatutako talde batek hainbat web orritan nabigatu zuen atzo. ONCEko lehendakari Rafael Ledesmak adierazi zuenez, lasterketa horren bidez gizartea sentsibilizatu nahi da pertsona itsuen erronkei buruz. Bere hitzetan: "Helburua bizi garen gizartean ingurune irisgarri eta inklusiboak lortzearen garrantziaz sentsibilizatzea besterik ez da, on line ere bai". Gorka Urtaran Gasteizko alkate eta Emilio Sola Arabako Gizarte Politiketako foru diputatuak Gasteizko Udalaren eta Arabako Foru Aldundiaren webguneetan, hurrenez hurren, antifazak edo ikusmen txikiko simulazio- betaurrekoak zeramatzatela nabigatu zuten, pertsona itsuekin batera, haien eguneroko bizitzan nola egiten duten ikusteko eta webgune horiek itsuen edo ikusmen urriko pertsonenkolektiboarentzat dituzten irisgarritasun-arazoak edo zailtasunak bertatik bertara ezagutzeko. Gorka Urtaranek Enara Alcalde gasteiztar itsu gaztearen eskutik nabigatu zuen, eta honek jaws sistema eta braille linea erabiliaz ordenagailu eramangarri baten bitartez nabigatzeko zailtasunak ezagutarazi zizkion. Bestalde, Emilio Solak eta Andoni Martin Santamariak, Aldundiko Eraldaketa Digitalaren Unitateko arduradunak, foru webgunean nabigatu zuten Leidy Aldana ikasle gasteiztar itsu gaztearekin batera, Voice Over sistema eta braille lerroa dituen Mac baten bidez.

Izan ere, ez da erraza begiak itxita edo estalita nabigatzea. Baina pertsona itsuen azalean jartzeko modu bakarra da, haien mundua hobeto ulertzeko. Horregatik, Fundación Vital Fundazioko zuzendari Arantxa Ibáñez de Opacuak ere begiak estali zituen. ONCEko lurralde-kontseilari Sergio Fernándezen laguntzarekin egin zuen (ikusmen txikia du), eta Ramón Maroto Vital Fundazioen Komunikazio zuzendariarekin batera. Era berean, Artium Museotik Javier Iriarte Garapen eta Finantzetako zuzendariordea eta Anton Bilbao Komunikazio arduraduna Jabier Ríos ONCE Euskadiko lehendakariordearekin batera nabigatu zuten pantaila handiko Ipad baten bidez.

Erantzunkizuna Gizarte osoa sentsibilizatzea eta gizarte integratzaileago batean bizitzen saiatzea herritar eta entitate guztien lana eta erantzukizuna da. Horregatik, gizarteratzearen alde elkarrekin lan egiten duten hainbat erakunderen laguntza jaso zuen lasterketa horrek. Zehazki, gizarte inklusibo baten aldeko on line kriskitin-lasterketak Eusko Jaurlaritzaren, Arabako Foru Aldundiaren eta Gasteizko Udalaren babesa jaso du, Artium Museoaren eta San Prudentzio Fundazioaren laguntzarekin batera. "On line Kriskitin Lasterketak, beraz, itsuek egunero jasan behar duten bretxa digitalaz ohartarazi nahi du, are gehiago pandemiaren krisiak larriagotutako egungo egoeraren aurrean", azpimarratu zuten ONCEtik. "Teknologia berrien erabilerak gora egin du, eta oso denbora laburrean optimizatu eta egokitu egin behar izan dugu, batzuetan modu prekarioan. Oraindik ere, eten digitalaren biktima asko dira teknologia berriak erabiltzeko oztopoak aurkitzen dituztenak. Arazo hori oso larria da desgaitasuna duten pertsonen artean", gaineratu zuten. Ildo horretatik jarraituz, nabarmendu behar da ONCEn badakitela ikuspen gutxiko pertsonek edo itsuek eguneroko bizitzan izaten dituzten zailtasun horietaz; izan ere, beraien eguneroko arazoetan egoten laguntzen dute, eta egunero egiten dute borroka arazo horiei buruz sentsibilizatzeko. "ONCEk oso ondo ezagutzen ditu zailtasun horiek, egunero-egunero bizi ditugulako. Teknologia berriak erabiltzaileen aniztasunerako beharrezkoak diren tresnak barne hartuta diseinatu behar dira. Tresna horiek erabiltzaileen irisgarritasuna bermatu behar dute, ikasteko, lan egiteko edo eguneroko bizitzarako beharrezkoak diren izapideak egiteko", ondorioztatu zuten.

Xehetasunez

Lasterketa. Kriskitin Lasterketak, pandemiaren ondorioz izandako geldialdiaren ondoren, formatu berri bat hartu zuen duela bi urte, eta oraingoan ere errepikatu da, pertsona itsuek aurre egin behar dieten zailtasunak ezagutarazteko helburuarekin. Hala, itsuen zailtasunen inguruan kontzientziatzeko, Gasteizek kriskitin-lasterketa ospatu zuen atzo.

Parte hartzaileak. Gorka Urtaran Gasteizko alkate eta Emilio Sola Arabako Gizarte Politiketako foru diputatuak Gasteizko Udalaren eta Arabako Foru Aldundiaren webguneetan, hurrenez hurren, antifazak edo ikusmen txikiko simulazio- betaurrekoak zeramatzatela nabigatu zuten, pertsona itsuekin batera, haien eguneroko bizitzan nola egiten duten ikusteko eta webgune horiek itsuen edo ikusmen urriko pertsonenkolektiboarentzat dituzten irisgarritasun-arazoak edo zailtasunak bertatik bertara ezagutzeko. Gorka Urtaranek Enara Alcalde gasteiztar itsu gaztearen eskutik nabigatu zuen, eta honek jaws sistema eta braille linea erabiliaz ordenagailu eramangarri baten bitartez nabigatzeko zailtasunak ezagutarazi zizkion.

Esaldia

Rafael ledesma ingurune irisgarria eta inkusiboaren alde

"Helburua bizi garen gizartean ingurune irisgarri eta inklusiboak lortzearen garrantziaz sentsibilizatzea besterik ez da, on line ere bai".