Plastikozko plataforma bat, ereduen bidez hondakinak balorizatzeko

Funtsezkoa da herritarrak sentsibilizatzea birziklatzearen garrantziaz eta planeta zain-tzearen garrantziaz; baliabide naturalen kontserbazioa sustatzea, hala nola ura, lurzorua, eta kutsadura saihestea, energiaren erabilera eta berotegi-efektuko gasen emisioa murrizteko. Helburu horiekin, Eusko Jaurlaritzak ekimen berri bat jarri du abian, Euskadin sortutako plastiko-hondakinen balorizazioa sustatzeko eta ezabatuko diren plastiko-hondakinak murrizteko, besteak beste.

Informazio honetatik kanpoko irudia. | ARGAZKIA: OSKAR GONZÁLEZ

Zehazki, Eusko Jaurlaritzako Ekonomiaren Garapen, Jasangarritasun eta Ingurumen Saila, Ihoberen bidez, eta Aclima –Basque Environment Cluster– elkarlanean ari dira Plastikoaren Plataforma sortzeko. Esan bezala, Euskadin sortutako plastikozko hondakinen balorizazioa sustatzeko, ezabatzera eramango diren plastikozko hondakinak murrizteko eta plastikozko hondakinen kudeaketan negozio aukerak identifikatzeko jaio da ekimena. Hala, eta ildo beretik jarraituz, aste honetan iragarri du Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak Plataforma martxan jarri dela, Aclimako Plan Estrategikoaren aurkezpen ekitaldian. Ekitaldi horretan, sailburuak adierazi zuen plataforma hori martxan jartzeak ekoizlearen erantzukizun zabalduari lotutako baldintzak aplikatzeari eran-tzungo diola eta ontzi industrialak eta komertzialak birziklatzea eta berrerabiltzea ahalbidetuko duten tresnak diseinatu, ezarri eta mantentzen lagunduko duela. Hala, sailburuak positibotzat jo zuen ekimen hori, eta ziurtatu zuen horri esker berrikuntza teknologikoa sustatuko dela, eta lankidetza publiko-pribatua finkatuko dela ingurumen-erronkei heltzeko. Zehazki, Arantxa Tapiaren hitzetan, “Plastikoaren Plataformak plastikoa baloriza-tzeko sistemen berrikuntza teknologikoa, balio kate berrien garapena eta negozio eredu berriak sustatuko ditu eta ingurumen eta enpresa lehiakortasun erronkei heltzera bideratutako lankidetza publiko-pribatua sendotuko du”.

Nabarmentzekoa da plataforma horretatik aukeren diagnostikoa egingo dela lehenengo fasean, eta, horri esker, Araban eta Euskadiko gainerako lurraldeetan plastikozko hondakinen korronteen eskaintza identifikatu ahal izango dela. Hau da, zehazki, lehen fase horretan, Plastikoaren Plataformak aukeren diagnostikoa egingo du, Euskadin plastikozko hondakin korronteen eskaintza identifikatu eta plastiko balorizatuaren eskari potentzialarekin gurutzatu ahal izateko, korronte bakoitzaren balio katea inplikatutako eragileekin zehaztuta eta ekoizlearen erantzukizun zabalduaren aplikazioari erantzunda. Era berean, plastikozko hondakinak balorizatzeko teknologien eta kudeaketaren alorreko proiektu eta esperientzia garrantzitsuak identifikatuko dira, ekoizlearen eran-tzukizun zabaldua aplikatzeko diren eta Euskadiko egoerarekin bateragarriak diren balio kateak diseinatu ahal izateko balio duten tresnei garrantzi berezia emanda.

Plastikoaren Plataforma Euskadiko 2030 Hondakinen Prebentzio eta Kudeaketa Planaren barruan koka-tzen da. Plana Eusko Jaurlaritzak bultzatuta jarri da abian, eta hondakina balorizatzea aurreikusten du, lurraldean baliabide materialak eskuragarriago egon daitezen eta haiek efizientzia handiagoz erabil daitezen bide nagusietako bat den heinean, eta batez ere baliabide balorizatuak industrian erabilera berriak edukitzea bilatzen du.

Hondakinen prebentzioa

“Plastikozko hondakinak -gehienak ezabatzera eramaten dira azkenean- Euskadin lehentasunezkoak diren hondakin kateetan daude, eta, beraz, gure lurraldea aukera esparru bat da plastikozko hondakinak balorizatzeko politika aktiboak txertatzeko, esaterako, Plastikoaren Plataformarekin ezarri nahi direnak”, azaldu eta ondorioztatu zuten Eusko Jaurlaritzatik plataforma honen aurkezpen-ekitaldian: “Hondakinen balorizazioa, gainera, Euskadiko 2030 Ekonomia Zirkularraren Estrategiaren eta Euskadiko 2030 Hondakinen Prebentzio eta Kudeaketa Planaren helburuekin bat dator, bai eta RIS 3 estrategiarekin ere, estrategia horrek ekonomia zirkularra ekimen transbertsal gisa aurreikusten du-eta”. Araban eta Euskal Autonomia Erkidegoan planeta eta ingurumena zaindu eta babesteko beharra sustatzen jarraitzeko beste urrats bat da Eusko Jaurlaritzak abian jarri duena.

Xehetasunez

Plastikoaren plataforma. Eusko Jaurlaritzako Ekonomiaren Garapen, Jasangarritasun eta Ingurumen Saila, Ihoberen bidez, eta Aclima –Basque Environment Cluster– elkarlanean ari dira Plastikoaren Plataforma sortzeko. Esan bezala, Euskadin sortutako plastikozko hondakinen balorizazioa sustatzeko, ezabatzera eramango diren plastikozko hondakinak murrizteko eta plastikozko hondakinen kudeaketan negozio aukerak identifikatzeko jaio da ekimena. Hala, eta ildo beretik jarraituz, aste honetan iragarri du Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak Plataforma martxan jarri dela, Aclimako Plan Estrategikoaren aurkezpen ekitaldian. Ekitaldi horretan, sailburuak adierazi zuen plataforma hori martxan jartzeak ekoizlearen erantzukizun zabalduari lotutako baldintzak aplikatzeari erantzungo diola eta ontzi industrialak eta komertzialak birziklatzea eta berrerabiltzea ahalbidetuko duten tresnak diseinatu, ezarri eta mantentzen lagunduko duela.

Esaldia. “Plastikoaren Plataformak plastikoa balorizatzeko sistemen berrikuntza teknologikoa, balio kate berrien garapena eta negozio eredu berriak sustatuko ditu eta ingurumen eta enpresa lehiakortasun erronkei heltzera bideratutako lankidetza publiko-pribatua sendotuko du”, azaldu zuen plataforma honen aurkezpen-ekitaldian Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak ekimen honi buruz.