Realzaleak Parisetik ezin atera daude

Bi mila realzale inguru joan ziren Parisera Txapeldunen Ligako final-zortzirenetako joaneko partida ikustera. Reala PSGren aurka jokatzen zuen asteazkenean, otsailak 14, eta askok trena Hendaian hartura Frantziako hiribururantz egin zuten bidaia, bertan astearte eta asteazkenean egoteko.

Mugikortasunaren eraginkortasuna txalotu den arren, asteburua Parisen igaro nahi izan duten pertsonak SNCFren grebarekin topatu dira, Frantziako trenetako begiratzaileen grebarekin, alegia. Ikuskatzaileek grebara deitu dute ostiraletik igandera eta horrek bertan behera utzi ditu TGVk Hendaiara programatuak zituen bidaia asko.

Gipuzkoako Kale Nagusian greba hori pairatu duen pertsona batekin hitz egin dugu, bera semea eta emaztearekin joan zen trenez Reala Paris Saint-Germainen aurka jokatzen ikustera. Joanaldia lasaia izan zen eta ez zekiten etxera itzultzeko arazoak izango zituztenik. "Heldu ginenean ez genekien arazoak izango genituela, orduan, Montparnasseko tren geltokira joan ginen eta esan ziguten tren batzuk grebakin zeudela eta beste batzuetan bi edo plaza bakarra zeudela, baina gu hiru izanda ez genuen modurik itzultzeko".

Familiak larunbaterako zuen trena bertan behera geratu zenez, SNCFk beste aukera bat eman zion, baina bidaiatzeko zeuden lehenego hiru tiketak astelehenerako zirenez hegazkinez itzuliko dira etxera familiako hiru kideek. "Astelehenean lanera joan behar dut eta semea ikastolara, hortaz, Orlyko aeroportutik aterako gara larunbat eguerdian Biarritzeko aeroporturaino". SNCFk tiketen diruaren parte bat itzuli die eta horrekin hegazkineko txartelen parte bat ordaindu dute.

Gipuzkoako Kale Nagusian izan den zaleak esan du urduritasun handiarekin bizi duela aurreko eguna baina orain, hegazkina edukita, gozatzen ari direla Parisen azkeneko orduak.