Seme-alabak euskarazko hezkuntza ereduetan matrikulatzera animatzeko ekimenak antolatu dira

Actualizado hace 6 minutos

Getxoko Udalak (Bizkaia) familiak seme-alabak euskarazko ereduetan matrikulatzera animatzeko ohiko kanpaina jarri du abian aurten ere, ikastetxeetako matrikulazio epea astelehen honetatik otsailaren 14ra ireki dela eta.

Horrela, Amaia Agirre alkateak eskutitz bana bidali die lehenengo aldiz matrikula egin behar duten familiei umeak B eta, batez ere, D ereduetan matrikula ditzaten, "jakina delako hizkuntzak bereganatzeko modurik eraginkorrena eta naturalena umetatik ikastea eta erabiltzea dela".

"Eredu horiek txiki-txikitatik euskararen munduan murgiltzeko aukera eskaintzen dute, urrats garrantzitsua izanda etorkizun anitza, inklusiboa eta eleanitza eraikitzeko, euskara erdigunean dagoela", ziurtatu du.

Getxoko Udalak 2 eta 3 urteko haurrak dituzten 875 familiei bidali die gutuna, eta umeen heziketaren inguruan sor daitezkeen zalantzak argitzeko aholkuak eta baliabideak udal webgunean aurki daitezke (https://www.getxo.eus/eu/euskara/hijos-hijas/euskera-nuestro...).

Bestalde, Getxoko ikasketak euskaraz egiten jarraitzera animatu ditu DBHko hirugarren eta laugarren mailetako ikasleak ere, beste urte batez, Nahi dudalako! kanpainaren bidez, hurrengo matrikulazio epeari begira (udaberrian). Kanpaina Bizkaiko 16 udaletan eta bi mankomunitatetan egingo da, Bizkaiko Foru Aldundiaren, Alkarbideren eta Eudelen artean antolatuta.

Getxoko Udala kanpainaren helburuari buruzko informazio liburuxkaren 3.200 ale banatzen hasi da ikastetxeetan, institutuetan, Gazte Informazio Bulegoan, kiroldegietan edo liburutegietan; 2009an eta 20210ean jaiotako gazteren etxetara 1.480 bidaliko ditu. Gainera, www.nahidudalako.eus webgunean sartzera animatu du, egun dagoen hezkuntza eskaintza azaltzen delako (Batxilergoa, Lanbide Heziketa eta Unibertsitatea).

INKESTA

Gainera, inkesta bat betetzera ere animatu da, eta parte hartuz gazteek hainbat sari irabazteko aukera izango dute, hala nola drone bat, action argazki kamara bat eta 75 euroko txartelak, kultura, zinema eta kirolean gastatzeko.