UPV/EHUk emakumeen nazioarteko eguna ospatu du hezkuntzaren arloan ardurak dituztenei interpelatuz

UPV/EHUk asteazken honetan, martxoak 8, emakumeen nazioarteko eguna ospatu du Mundu digital inklusibo baten alde: Berrikuntza eta teknologia genero berdintasunerako’ lelopean hezkuntzaren arloan ardurak dituztenei interpelatuz. “Unibertsitate-erakundearen funtzio nagusietako bat, bereziki unibertsitate publikoarena, gizarte-errealitatea eraldatzen duen eragile, benetako aldaketa-eragile bihurtzea da", adierazi du Eva Ferreira errektoreak.

Elena Leiñena Berdintasunerako zuzendariak, bere partez, honako hau adierazi du: "Unibertsitatea funtsezkoa da gizarte bidezkoago eta berdinzaleagoa eraikitzea ahalbidetuko duen garapen teknologikorako, eremu digitalean eta Adimen Artifizialaren garapenean genero-joerak ezabatuz, teknologiaren ezagutza eta sarbidea zabalduko dituen pentsamendu kritiko batetik abiatuta”.

“Gai izan behar dugu genero-estereotipoek pertsonen prestakuntzari eta lanbideari edo garapen integralari buruzko hautaketetan eragotz ez dezaten”, gehitu du Leiñenak Helburu horrekin UPV/EHUko Berdintasunerako Zuzendaritzan antolatzen diren ikastaroetan mila pertsonak baino gehiagok hartu zuten parte joan den ikasturtean, ikasleen, administrazio eta zerbitzuetako langileen eta irakasle eta ikertzaileen artean. STEAM Batzordea ere jarri da abian, irakaskuntza- eta ikerketa-taldeak jakintza-arlo horietan genero-joerak ezabatzeko egiten ari diren jarduerak koordinatzeko eta harmonizatzeko. Horixe da, hain zuzen ere, unibertsitatearen 2022-2025 Plan Estrategiko berriak genero-berdintasunaren arloan ezarri dituen bi helburu nagusietako bat.