Xabier Iraola ENBA elkarteko koordinatatzaileak adierazi duenez, "hemengo enpresa askoren merkataritza-linea kanpoko okela ekarri eta bertakotasuneko erreferentzia txertatzearen aldekoa da, kontsumitzailea nahasiz".

Engainagarriak diren kanpaina hauen aurka agertu dira elkarteko ordezkariak gaur goizean egin duten agerraldian. Iraolak jakinarazi digunez, "joko maltzur hori mahai gainean jarri nahi dugu eta baita enpresei dei egin ere, bertako okelaren apustua egin dezaten. Erakundeek ere hemengo lehen sektorea lehenestea nahi dugu".

Donostian maiatza bukaeran egingo den "Txuletaren festa erraldoia" izeneko hitzordua aipatu dute horrelako modu engainagarrien adibide gisa.