Zortzi asteko ikastaro trinkoa hasi da Zibersegurtasunean, Urdulizko 42. Campusean

Urduliz 42. campusa zibersegurtasunari buruzko zortzi asteko ikastaro trinkoa ematen hasi da aste honetan, eta datorren astean hasiko da Bartzelonako, Madrilgo eta Malagako campusetan. Zehazki, "Zibersegurtasunari buruzko prestakuntza: konponbidea edo erronka?" Ekitaldia joan den ostiralean hasi zen.

Ekonomia Sustatzeko foru diputatu Ainara Basurkok abiarazi du ekitaldia. Jarraian, industria zibersegurtasuneko berrikuntzaren arduradun (Telefónica Tech) Gabriel Álvarezek hitzaldi bat eman du segurtasun digitalaren inguruan. Ondoren, eztabaida bat egon da. Gabriel Álvarezekin batera izan dira Eusko Jaurlaritzako Basque Cybersecurity Centre zentroko zuzendari Javier Dieguez, Espainiako Telefónica fundazioko iparraldeko Berrikuntza buru Ana Flórez, Fortinet enpresaren salmenta eta enpresen kanaleko arduradun Javier Carranza, eta 42 Urduliz campuseko ikasle Fátima Silva.

Mahaiko partaideak bat datoz: zibersegurtasunean prestakuntza jasotzeko premia dago, txikitatik. Horri dagokionez, Gabriel Álvarezek nabarmendu du teknologiari lotutako 120.000 lanpostu huts baino gehiago daudela Espainian gaur egun. Zehazki, Bizkaian, Zibersegurtasunean adituek dute lanbide digitalik nabarmenena, Full Stack garatzaileen eta Software arkitektoen aurretik.

42 campusa metodologia berritzailea eta disruptiboa duen programazio campusa da, lan merkatuak eskatzen dituen profil digitalak eskuratzeko prestatzen ditu ikasleak, hala nola zibersegurtasunean adituak. Izan ere, campusean zortzi asteko bootcamp bat abiarazi du, doan, zibersegurtasunari buruz. Uztailaren 11an hasi eta irailaren 2an amaituko da.