Aldundiak Beasain-Bergara autobidea Deskargako tuneleraino luzatu zuen arte, Beasaindik Bergarara zihoazen auto guztiak Zumarraga erditik pasatzen ziren. Baita ArcelorMittalera zihoazen kamioi guztiak ere. GI-632 (egun GI-2632) errepideari saihesbidea deitzen zitzaion, baina herria bitan zatitzen zuen. Beasain-Bergara autobideari eta Arcelor-Mittalen itxierari esker, askoz ere auto eta kamioi gutxiago pasatzen dira bertatik. Zumarragako Udalak bulebar bilakatu nahi du eta horretarako bidegorri bat egiten ari da. Lehen fasean Kaminpetik industrialdeko bidegurutzeraino doan zatia egin zen eta orain ospitaleko errotondaraino luzatuko da.
Luzatzea osteguneko osoko bilkuran onartu zen. PSE-EEk eta EAJk alde bozkatu zuten eta EH Bilduk eta Elkarrekin Zumarragak abstentzioa eman zuten. Bidegorria 400 metro luzatuko da. Zuhaitzak jarriko dira ingurua atseginago egiteko. Bidegorri hori egiteko 343.000 euro behar dira. Mikel Serrano alkateak aldundiaren lagun-tza izatea espero duela esan zuen.
Elkarrekin Zumarragako Ines Benitezek eta EAJko Josu Idigorasek informazioa berandu ematea leporatu zioten. “Alderdi guztiak bulebarizazioaren alde gaude. Ez dugu proposamenak egiteko aukerarik izan, informazioa berandu jaso dugulako”.
EH Bilduko Josu Aztiriak beraiek ere egitasmoaren alde daudela esan zuen. “Baina ez dugu argi nork ordainduko duen. Aldundiak ordaintzen ez badu, Udalak bere gain hartuko al du? Bestalde, SPRI Arcelorreko plana gara-tzen ari da eta horrek eragina izango du. Horretaz gain, GI-2632 errepidean trafikoa murrizteko neurriak hartu behar direla uste dugu”.
Serranok kamioiak Urretxutik (Aparizio auzoaren goialdetik) sartzera behartuta daudela eta autobusen ordutegia ospitaleko langileen beharretara egokitu dela erantzun zion. Arcelorri dagokionez, txatarra parkearen parean errotonda bat egingo dela eta kamioiak hortik sartu beharko direla esan zuen. “Diru lagun-tzei dagokienez, errepidea Aldundiarena da eta gutxienez diruz laguntzea espero dugu”.
Azkeneko fasean ospitaleko errotondatik Eitzakora doan tartea berrituko da eta hori egiteko 1,2 milioi beharko dira.
Noticias Relacionadas
Comienza a funcionar la noria navideña de Alderdi Eder
El centro de atención 24 horas para víctimas de violencia sexual de Donostia ha atendido a 183 personas
La Fiscalía rebaja su petición de pena de cárcel para el 'argelino', acusado de la muerte de Santi Coca
Eider Mendoza se muestra "optimista" ante la segunda fase de la negociación presupuestaria que comienza este jueves
La marea rosa de katxalin recorrerá Donostia este domingo
El 'argelino', el principal acusado del asesinato de Santi Coca, niega que le pegara la patada que le provocó la muerte
La AP-1 se cerrará este jueves por la noche entre Gipuzkoa y Araba
