Zurrumurruen kontrako kontakizun laburren lehiaketa jarri du martxan

Aurrera darrai Bilboko Udala zurrumurruen aurkarko borrokarekin. Oraingo honetan, literaturarekin erlazionaturiko ekimen bat jarri du martxan: Kontakizun Laburren Lehiaketaren edizio berri bat. Aurten lehiaketa honen seigarren edizioa egingo da, eta Zurrumurruen aurka, sartu aterpera goiburua izango du. Ekimen honetan parte hartzeko epea irailaren 30ean itxiko da.

Ekimen horrek istorioak kontatzera gonbidatzen du, euskaraz zein gaztelaniaz, aniztasuna sustatzeko eta gizarteak migratzaileei buruz dituen pertzepzio negatiboak aldatzen laguntzeko.

Udalak gogorarazi du kontakizunak modu elektronikoan entregatu beharko direla, horretarako prestatutako on-line plataformaren bitartez, helbide honetan.

Lehiaketara edozein nazionalitate edo bizileku duen 18 urtetik gorako edozein pertsona aurkeztu daiteke, Zurrumurruen aurkako proiektuaren edukiak eta balioak lantzen dituzten lanak aurkeztuz: bizikidetza, kulturartekotasuna, aniztasuna, arrazakeriaren aurkako borroka, estereotipoak, aurreiritziak, zurrumurruak, identitatea, errespetua, elkarrizketa eta aniztasunaren abantailak eta ekarpenak.

Gainera, Udalak gogorarazi du kontakizunak bi hizkuntza-modalitatetan aurkeztu ahal izango direla, euskaraz eta gaztelaniaz, eta modalitate bakoitzean lehen eta bigarren saria emango direla.

Gainera, aurten, berritasun gisa, Bilbo Saria banatuko da udalerrian bizi diren egileen artean.

Epaimahaia Bilboko Udaleko Lankidetza, Bizikidetza eta Jai Sailak izendatutako hiru kidek osatuko dute, eta, Udalaren Emakumeen eta Gizonen Berdintasunerako V. Planaren jarduera-printzipioekin bat etorriz, osaera emakumeen eta gizonen presentzia orekatuaren printzipioari lotuko zaio.

Sariak

Euskarazko kontakizuna:

• 1. Saria: 350 euro, deialdiaren edizio batean kontakizuna argitaratzea eta argitalpen horren 2 ale.
• 2. Saria: 150 euro, deialdiaren edizio batean kontakizuna argitaratzea eta argitalpen horren 2 ale.

Gaztelaniazko kontakizuna:

• 1. Saria: 350 euro, deialdiaren edizio batean kontakizuna argitaratzea eta argitalpen horren 2 ale.
• 2. Saria: 150 euro, deialdiaren edizio batean kontakizuna argitaratzea eta argitalpen horren 2 ale.

Bilbo Saria:

• 350 euro, deialdiaren edizio batean kontakizuna argitaratzea eta argitalpen horren 2 ale.

Finalistak:

• Kontakizun Laburren “Zurrumurruen Aurka, Sartu Aterpera” VI. Lehiaketako lanak biltzen dituen argitalpenerako lan finalisten aukeraketa egingo da.